نوازشریف: جدی حرکت لرنی ایلگری سوریش وقتی کیلگن.

پاکستان باش وزیری نواز شریف، افغانستان جمهوررییسی حامدکرزی بیلن کابلده ملاقات اوتکزیب ، افغانستانده تینچلیکنی مستحکم لش اوچون جدی همکارلیک قیلیش وعده سینی بیردی.

شونینگ دیک او، اقتصاد و امنیت خصوصیده هم پاکستاننی افغانستان بیلن همکارلیکده بولیشینی تاکیدله دی.

پاکستان باش وزیری نواز شریف رسمی سفر بیلن بوگون کابل گه ایتیب ایتیب کیلدی، اونینگ اوشبو سفریدن اساسی مقصد، افغانستانده تینچلیکنی مستحکم لش و طالبان بیلن مذاکره لرنی قیته دن باشلش اوچون کرزی بیلن ملاقات اوتکزیش بولگن.

عینی حالده پاکستان باش وزیری افغانستان بیلن یقین ویخشی علاقه ده بولیشی ایش ترتببیده تورگن اساسی ریجه سی بولگنینی تیلگه آلگن.

شونگه علاوه پاکستان باش وزیری، افغانستان مساله لریگه دخیل منطقه اولکه لریدن یوزبیریب کیله یاتگن اوروش گه نقطه قویش اوچون همکارلیک قیلیشی نی طلب قیلگن. اونگه کوره حاضرگی شرایط ده اوروشگه نقطه قوییش وتینچلیک نی مستحکم لش اوچون جدی حرکت لر زمانی ایتیب کیلگن.

افغانستان جمهوررییسی حامدکرزی، قوشمه مطبوعات انجمنیده شوندی دیدی:" بوگون ایککی مملکت اره سیده گی برچه موضوع لر باره سیده هم ایککی دولتی هیاتی اره سیده و هم پاکستان باش وزیری بیلن خصوصی شکلده به تفصیل صحبت قیلدیک، یعنی صلح جریانینی قندی دوام بیریش ،عملی آدیملر کوتاریلیشی و امریکا رولی نیمه بولیشی."

پاکستان باش وزیری نواز شریف ، جمهوررییس کرزی بیلن بیرآی آلدین لندن ده اوتکزیلگن قوشمه اولتیریش ده هم صلح جریانی خصوصیده صحبت آلیب بارگن ایدی.

افغانستان دولتی نینگ اساسی ایستگی پاکستان قماقخانه لریده بولگن طالبان نینگ مهم رهبرلرینی آزاد ایتیش بولگن. مقاملرگه کوره پاکستانده گی طالبان محبوس لرینی ازاد ایتیش مذاکره لر اوچون فایده لی بولیشی ممکن.

پاکستان دولتی طالبان نینگ ایککینچی آدمی ملا غنی برادر قوشیمچه ایریم طالبان محبوسلرینی قماق دن آزاد ایتگن. اما حاضرگه قدرهم طالبان نینگ بیرقنچه مهم ادملری پاکستان قماقخانه لریده قماقده بولگنی ایتیله دی.