ايران افغانستان وامريكا اورته سيده گي خوفسيزليك پيمان امضالنيشيگه قرشي

Image caption ايران افغانستان ده امريكاليكلر كوچلريگه قرشي بولگنلردن بيري

ايران تشقي ايشلر وزيرليگي سوزچيسي مرضيه افخم، ايران افغانستان و امريكا اورته سيده خوفسيزليك كيليشوونامه امضالنيشي ني افغانستانده اوزاق مدتلي صلح تامينلنيشيده ثمره لي ديب بيلمه يدي.

خانم افخم شونينگ ديك، بو كيليشوونامه نينگ امضالنيشي منطقه مسله لري جريانيگه سلبي تاثير اوتكزيشي ممكنليگي ني تاكيدله گن.

ايران تشقي ايشلروزيرليگي اوزي نينگ هفته ليك ييغينيده، مطبوعاتگه" بيز افغانستان وامريكا ارا كيليشوونامه امضالنيشي باره سيده گي فكر وملاحظه ميزني افغانستان دولتيگه تكليف قيلگن ميز" ديگن.

ايران هردايم افغانستانده گي خارجي قشونلرنينگ حضوري دن ناراضيليك بيلديرگن و باربار افغانستان ني اشغال ايتيلگن مملكت ديب بيله دي.

افغانستان جمهور رييسي حامدكرزي لويه جرگه آچيليش مراسميده هم ايران بو كيليشوونامه امضالنيشيگه قرشي ليكن افغانستان خلقي نينگ طلبيگه حرمت قايل ايكني ني ايتگندي.

ايران تشقي ايشلروزيرليگي بو حجت نينگ امضالنيشي اوزاق مدت ايچيده افغانستان فايده سيگه ايمسليگي باره سيده تاكيدلر ايكن، اوتگن كون عراق تشقي ايشلروزيري هوشيار زيباري كابل گه قيلگن سفريده، اوز مملكتي نينگ تيروزيمگه قرشي عملگه آشيرگن كوره شي دن اورگنگن تجربه لريني افغانستان گه تكليف قيلگن. اونگه كوره، افغانستان اوزاق مدتلي حمايه احتياجي بار شو سبب دن خوفسيزليك كيليشوونامه نينگ امضالنيشي افغانستان منفعتيگه.

امريكا دولتي، خوفسيزليك كيليشوونامه دن اساسي مقصد، افغانستان تينچليك تامينلنيشي ايكني ني ايتگن.