'زوره وان کیشی لر جمعیت سانی اوچون کابلده یولگه قوییلگن ریسرچ برنامه سیگه توسیق بولگن لر'

افغانستان مرکزی احصائیه اداره سی پایتخت کابلده جمعیت نینگ اقتصادی ،اجتماعی دیموگرافی گه عاید ریسرج برنامه سی نی باشله گن.

بو اداره مسووللری کوره بو ریسرج نی یولگه قوییشلریدن مقصد اهالی نینگ حیات شرایطی باره سیده معلومات گه ایگه بولیش وجمعیت سانی قنچه لیگی نی تیکشیرووچی وبرنامه توزیش اداره لرگه تاپشیریش بولگن. بونگه زورمندلرتوسقینلیک یره تماقده.

بو اداره نینگ وقتینچه لیک باشلیغی حسیب الله موحد بی بی سی گه بو برنامه گه توسقین لیک قیله یاتگن لردولت نینگ ایریم مسووللری بولگنی نی تیل آلدی.

بو برنامه دایکندی، بامیان ، غور دن کیین کابل ده یولگه قوییله دی.

بو برنامه نینگ عملگه آشیریش اوچون 5مینگ کیشی اطرافیده تعلیم آلگن و بوبرنامه بیرآی گه قدر دوام ایتیشی ممکن.

بو برنامه ولایتی ریسرچ نامیده بولیب، کابل قوشیمچه بو ولایت نینگ برچه حدودلری ده یشه یاتگن اهالی نینگ اقتصادی واجتماعی وضعیتی باره سیده معلومات قولگه کیلتیریش اوچون یولگه قوییلگن. بو ریسرج افغانستان مرکزی احصائیه اداره سی تاماندن یولگه قوییلگنی گه اوچ کون بولیب و45کونگه قدر دوام ایتیشی ممکن. بوبرنامه نی اوتکزیلیشی دن مقصد خلق نینگ یشم شرایطی نی انیق اورگه نیش بولگنی تیل گه آلینماقده. بوحقده مرکزی احصائیه اداره سی نینگ اورین باسری ووقتینچه لیک باشلیغی موحد جنابلری

"جمعیت سانی هم قنچه لیگی انیقلنه دی، وایرکک وعیال نیچه فایزلیگی معلوم بوله دی،جنس مساله سی، مدنی حالت، سواد میزانی، و15یاشده بولگن اوندن بلند راق کیشی لرنینگ نیچه فایز بولگنی انیقلنه دی، حامله دارلیک، اولیم حاللری، باله لردنیاگه کیلیشی و شونینگ دیک آنه لروباله لراولیمی میزانی هم معلوم بوله دی دییدی موحد جنابلری".

موحد جنابلری گه کوره رواجله نیش برنامه لرنی تطبیق ایتیش اوچون ینگی معلومات بولیشی کیره ک.

اونگه کوره قولگه کیلگن معلومات لر نی برنامه توزته دیگن وتیکشیرووچی اداره لراختیارلریگه قوییش ممکن.

بو خصوصده ینه افغانستان مرکزی احصائیه اداره سی نینگ معینی حسیب الله موحد

"بوریسرچ لرنی یولگه قوییش مقصد ی عموما آلگنده رقم لرنی قولگه کیلتیریش بولیب بیز جمعیت نینگ اجتماعی ، اقتصادی ودیموگرافیکی گه عاید بو رقم لرنی ییغه میز، بیر بیز بوندن فایده له نیشیمیز ایمس، بلکی بو بوتون افغانستان اوچون هر بیر اداره ایسته سه بوندن فایده لنه آله دی، بو اداره نینگ اساسی وظیفه لریدن بیری ایسه سونگی معلومات لرنی اوز وقتیده افغانستان دولتی وبرنامه توزته دیگن اداره لراختیارلریگه قوییش بولگن".

مسووللرگه کوره بو برنامه نینگ تطبیق ایتیلیشی ایسه معمالربیلن بیرگه بولگن.

مرکزی احصائیه نینگ معینی گه کوره بو ریسرج باره سیده بوندن آلدین رسانه لرآرقه لی اهالی گه معلومات بیریلگن ایدی. بیراق ایریم زوره وان کیشی لر بعضی محللرده بو برنامه نی عملگه آشیریلیشیگه توسیق بولگن لر. وحتی بیرقنچه ریسرچ ایته دیگن خادم لرنی هم کلتکله گن لر.

ولایتی ریسرچ میلادی 2012ییلده باشله نیب حاضرگه قدر بامیان، غور، ودایکندی ولایت لریده عملگه آشگن.

وبوتون افغانستان نینگ قالگن حدودلری میلادی 2016ییل گچه بو برنامه یولگه قوییلیب عملگه آشه دی.

بو ریسرچ بیرلشگن ملت لرتشکیلاتی، بریتانیا دولتی وجاپان مملکتی نینگ تخنیکی ومادی یاردم لری بیلن یولگه قوییلگن.

عمومی نفوس شمارلیک بولمه گنی سبب جمعیت نینگ سانی قنچه لیگی معلوم ایمس، ومتخصص لر بونده ی سروی لر اوتکزیلیشی نی عمومی ریسرچ نی یولگه قوییلیشی گه یول آچه دی دیب تاکیدله ماقده لر.