افغانستانده رشو ه سیز ایشینگیز بیتدمی؟

افغانستان اداری فساد درجه سی بویچه دنیا ده گی اوچته اینگ یمان دولتدن بیری دیب تاپیلگن.

بو کپی خلاصه گه " خلق آرا شفافیت" تشکیلاتی نینگ ینگی خلاصه سیده کیلگن. افغانستان کبی اینگ سلبی نتیجه نی فقط شمالی کوریا و سومالیا قید ایتگن، خلاص.

اگر، بیرلشگن مللتلرتشکیلاتی اعلان قیلگن معلوماتلرگه تیه نیلسه ، اوتگن ییلی افغانستانی نفوس نینگ یرمی حکومت آدملریگه رشوه بیریشگن.

رشوه بیرگن مردم نینگ اکثریتی ایسه، بونی اوزلری ایستب قیلگنلیکلرینی ایتیشگن.

خودی اوشه ییلی مردم تمانیدن بیرلگن رشوه پول نینگ عمومی مقداری قریب ٤ میلیارد دالرگه ایتگن.

اوتگن تورت ییل ایچیده ایسه، افغانستانده اداری فساد کولمی ٤٠ فایزگه آرتگن.

بی بی سی اوزبیک خذمتی " سوز سیزگه" رادیو برنامه سی نینگ بو هفته لیک سانینی افغانستانده گی اداری فساد معما سیگه بغیشلشگه قرار قیلدی.

اگر اداری فساد بیلن باغلیق بوگونگی احوال، رشوه خوارلیکنینگ درجه سی، مردمنی رشوه بیریشگه نمه لر اونده یاتگنی و مذکور معمانی حل قیلیشنینگ یوللری حقیده فکرلرینگیز بیلن برنامه میزده اورتاقلشماقچی بولسینگیز، فیسبوک صفحه میزده بو خصوصده فکرلرینگیزو باغله نیش اوچون تیلفون رقملرینگیزنی قالدیریشنی اونوتمنگ.

ایمیل یا کی قوییده کی فورم آرقه لی فکر و ملاحظه لرینگیز و شونگه اوخشش تیلفون رقم لرینگیزنی بیزگه یوبارشینگیز ممکن.

ایمیل : uzbek.afghan@bbc.co.uk