تهران ده روحانی کرزی نی رسمی کوتیب آلدی

افغانستان جمهورریسی، حامدکرزی، بیرکونلیک ایران گه سفرقیلیب، ایران اسلامی جمهورریسی حسن روحانی، تمانیدن کوتیب آلیندی.

کرزی جنابلری نینگ مشورتی لویه جرگه ده، امریکا خوفسیزلیک پیمان نی امضاله شینی سوره شگن ایدی، اوندن کیین بو تشقی مملکت گه بیرینچی سفری دیر. کرزی جنابلری جرگه باشله نیشیده ایران بوکیلیشونامه گه قرشی ایکن لیگینی ایتگن.

کرزی جنابلری نینگ دفترده گی وبسایتیده قیسقه خبرده یازیلیشیچه:"مملکت جمهورریسی سفرآقیمیده دکترحسن روحانی تحلیف مراسمی، جاری ییل اسدآیی نینگ 13ده نشانله نیشیده، ایککی مملکت اورته سیده گی علاقه لرنی مستحکم لش اوچون مناسب فرصت بیلن ایران گه سفرقیلیشگه دعوت ایتگن ایدی".

فایق واحدی کرزی جنابلری نینگ سوزچیسی بی بی سی گه ایتیشیچه، کرزی جنابلری نینگ قیلگن سفریده، صحبت ایککی مملکت جمهورریسی افغانستان وامریکا کیلیشونامه باره سیده اشاره ایتیلمه گن، لیکن بوسفرده "بوتون مساله" ایککی مملکت اورته سیده گی علاقه لرنینگ اهمیتی بارلیگی توغریسیده بحث یوریتیله دی دییدی او.

کرزی جنابلری نینگ تهران گه قیلگن سفری آستانه سیده، افغانستان ستاد ریسی حجت الله فغانی ایران تشقی ایشلروزیرلیگی نینگ فارس مطبوعات گه ایتیشیچه،"اعتقادمیزگه کوره، افغانستانده بوکیلیشونامه زوروانلیک نی دورلشتریشگه اوندیدی".

آلدین راق ایران تشقی ایشلراورین باسری ابراهیم رحیم پورنینگ ایتیشیچه،"ایران سونگگی وقتده افغان رسمیلریگه دوستلیک بیلن، کیلیشونامه امضاله نیشی اوچون موافق ایمس لیگینی اعلان ایتگن، چونکه بوکیلیشونامه امضاله نیشی بیلن افغانستان دولتی همده خلقی اوچون کتته زیان یتیکیزیشی ممکن".

افغانستان وامریکا دولت لری نینگ رسمیلری ایککی ییلدن بیری، ایککی مملکت اورته سیده گی استراتیژیک همده خوفسیزلیک همکارلیکلرباره سیده گپله شه دیلرهمده بوخوفسیزلیک همکارلیکلرکرزی جنابلری نینگ قویگن شرط لری بیلن، ینگی دن صحبت آلیب باریشگه زمینه یره تیلگن.

عین حالده، امریکا رسمیلری نینگ کابل گه قیلگن سونگگی سفریده، بوباره ده افغانستان دولتی نینگ رسمیلری بیلن، جمله دن جمهورریس بیلن به تفصیل گپله گنلر.

سونگگی وقتده، امریکا مدافعه وزیری چاک هیلگ، کابلگه قیلگن سفریده افغانستان مدافعه وزیری بسم الله محمدی، اونگه کیلیشونامه امضاله بولیشینی ایتگن.