ميمنه ده لوحه لر اوزبيك تيليده يازيله باشله دي

ميمنه ده لوحه لر اوزبيك تيليده يازيله باشله دي

فاریاب ولایتی ده سونگی ییلر ایریم دولت و تجارت ساحه لري لوحه سي اوزبیکچه قيليب یازیلماقده. حاضر ايسه، بو تدبير عموملشتيريلگن.

میمنه یشووچیلری لوحه لرنی اوزبیک تیلیده اوریلگني دن خورسندچيلیک بیلدیریب، بو تدبير اوزبیک تیلی نینگ اوسیب اولغه یشی اوچون کته یاردم بیريشي ممكنليگي ني تاكيدلشگن.

اونلب مکتب، دولت اداره لري همده کوپچيليك سودا مركزلري، اداره ، بنالر و شرکت لرنینگ لوحه لری اوزبیکچه یازيلگنلیگی میمنه شهریده کیلگن هرکیشی نینگ اعتباريني اوزیگه جلب ايته دي.

میمنه شهری نینگ مرکزیده گی عالی لیسه لريدن عربخانه یوکسک لیسه سی نینگ لوحه سی هم اونلب اوزبیکچه یازیلگن لوحه لردن بيري حسابلنه دي. بو لیسه باشليغي محمدنعیم:" فاریاب اهالی سی نینگ95 فایزینی تورک لر یعنی اوزبیک لرتشکیل بیره دی، بونگه بيز حقلي میز، لوحه لریمیز اوزتیلیمیزده بولسه، مین معارف وزیرلیگی دن رخصت آلیب بولوحه نی قيستيرگن من".

فقطگينه مکتبلرلوحه لری اوزبیکچه ده یازیلمه گن، بلکه ایریم سودا ساتیق مرکزلری نینگ لوحه لري هم اوزبیکچه ده یازیلگن.

میمنه شهریده فقط لوحه لردن باشقه توي چقیریقلري، و مراسم کارتلری همده تجارت اعلانلري هم ایریم محلی رسانه لر آرقلی اوزبیکچه نشر ایتلماقده.

اهالي ايسه، بو تدبيرني آلقيشله گن.

فاریاب مدنی جماعه چیلیک ترماغی نینگ مسولی داکتر محمد معروف ثمر، مدنی جماعه فعاللری اوزبیک تیلیده لوحه لر اوریلیشیگه کیشیلرنی ترغیب ایته یاتکنلیک لرینی معلوم قیلیب، لوحه لر یازیلیشی آدملرنينگ فکرینی اویغاتیشینی ایته دی.

جهمور ریيس حامد کرزی حکومتی کیلگن دن سونگ، افغانستان باش قانونی ینگی دن توزیلیب، اوشبو قانون نینگ 16 ماده سیده افغانستان بویلب برچه تیللر اوزمحللریده رسمی شکیلده تانيلیب، اولرجمله سیدن تورکی تیللر یعنی اوزبیکی و تورکمنی تیللری افغانستان اوچینچی تيل صفتيده رسميگه تنيلدي.

ارچند مذکور تیللرگه سوزلشه یاتگن منطقه لرمکتبلریده شوتیللرگه درس بیریلشی قيد ايتيلگنيگه قره مه ي، مذکور حکم حاضرگه قدر دولت تمانيدن حمايه ايتيلمه گن.