ستاره دواله نیش اوچون تورکیه گه جونه تیله دی

Image caption کارگرنوراوغلی، بی بی سی گه ایتیشیچه، خانم ستاره نینگ انقره شهریده گی نمونه ناملی شفاخانه سیگه تابشیرگن

ترکیه دولتی، خانم ستاره نی اوچ کون آلدین ایری تمانیدن بورنی همده لبی کیسیلگن ایدی، دوالشنی قبول ایتگن.

افغانستان ساغلیقنی سقلش وزیرلیگی نینگ ترکیه ده گی نماینده سی کارگرنوراوغلی، بی بی سی گه ایتیشیچه، خانم ستاره نینگ انقره شهریده گی نمونه ناملی شفاخانه سیگه تابشیرگن. بوشفاخانه شفاکارلری خانم ستاره نینگ دوالشگه تیارایکن لیکلری ایتیلگن.

حاضرحالده خانم ستاره هرات شفاخانه سیده یاتقیزیلگن. اوچهارشنبه کونی کابلگه، همده جمعه کونی تورکیه گه دوالش اوچون انتقال بیریلیشی ایتیلگن.

خانم ستاره 30 یشردیرواوچ فرزندی بار. هرات رسمیلری نینگ ایتیشیچه، اونینگ ایری معتاد دیروستاره آلتین لرینی ایری گه بیرمسلیگی سبب، ایری اونینگ بورنی همده لبینی پیچاق بیلن کیسیب تشله گن.

کارگرنوراوغلی نینگ ایتیشیچه، بوشفاخانه خانم ستاره نی تیکین گه دوالش اوچون قبول قیلگن. ساغلیقنی سقلش وزیرلیگی رسمیلریگه کوره، شوپیتگچه خانم ستاره نینگ دوالش یخشی بولیب کیلگن.

نوراوغلی جنابلری نینگ ایتیشیچه، خانم ستاره نینگ تیزلیک بیلن تورکیه گه آلیب اوتیش تدبیری افغانستان ساغلیقنی سقلش وزیری ثریا دلیل تمانیدن باشلنگن.

افغانستان، بومملکتده دوالنمه یدیلگن 250 کسللرنی تورکیه ده دوالش اوچون بومملکت بیلن شرطنامه امضاله گن.

بوکسللرنینگ خرچینی تورکیه دولتی توله یدی. کارگرنوراوغلی نینگ ایتیشیچه، بوکسللرنینگ کوپچیلیک سانینی باله لرواوروشده یره لنگنلرتشکیل بیره دی.

خانم ستاره نینگ بورنی ولبی کیسلیشی، اوتگن جمعه کونی، افغانستان نینگ همه رسانه لری تمانیدن نشرایتیلدی.

بوخبرنشرایتیلیشی بیلن انسان حقلری نینگ اینگ سونگگی کونیده، اجتماعی ترماغلرآرقه لی عکس العمل کورسه تیلدی.

هراتده گی بیرقطاراهالی عیاللرگه قرشی زوروانلیک اوچون کتته نمایشنی یولگه قویدیلر. همده کابلده بیرقطارمدنی نهاد لری، بیر خبری کنفرانس ده عیاللرگه قرشی زوروانلیک نی آشیب باریشیدن تشویش بیلدیریشگنلر.

انسان حقلری نی حمایه لش مدنی فعال لرنینگ اینگ سونگگی خبرلریگه کوره، بوییل افغانستانده عیاللرگه قرشی زوروانلیک اوتگن ییلگه قره گنده، یوزده 28 فایزآشگن