فکر:"طالبان نی نیگه اینگیب بولمه یپتی"

Мултимедиа ўйнаш бу қурилмада дастакланмайди

کیتمه ـ کیت اعلان قیلینه یاتگن ینه بیر نفوذلی سوراو نتیجه سی اکثریت امریکالیکلر افغان اوروشیدن هیچ بیر معنی یوق، دیگن خلاصه ده ایکنلیکلرینی کورستگن.

اما شونگه قره مه ی، ینگی سوراو ده امریکا اهالی سی نینگ 70 فایزگه یقینی اوز قوشینلری نینگ افغانستانده قالیشیگه طرفدار ایکنلر.

اولرگه کوره، آره دن 12 ییل اوتیب هم، افغانستان ماجراسی هنوز بیر یاقلی بولمه گن و شو باعث هم، حربیلری نینگ او ییرده قالگنلیکلری معقول.

ینگی سورا امریکالیکلرنینگ ای بی سی نیوز تلویزیون کانالی و واشینگتن پست نشریه سی نینگ بویورتمه سی اساسیده اوتکزیلگن.

یقینده اعلان قیلینگن ینه بیر سوراو نتیجه لری هم دییرلی خوددی سونگه اوخشش قره شلرنی افاده ایتگندی.

"اسوشیتیت پرس ـ جی ایف کا" سوراویده امریکالیکلرنینگ یریمیدن کوپراغی 2001 ییلگی تیرورچیلیک هجوملری آرتیدن افغانستانگه کیریب، بلکه "بیکار قیلگنمیز"، دییشگندی.

اما، اونده، امریکا اهالیسی نینگ یریمیدن کوپراغی قوشینلریمیزنی افغانستاندن تیزراق آلیب چیقیب کیتیشسه یخشی ایدی، دیگن فکرنی اظهار ایتیشگندی.

هر ایککی سوراو نتیجه سیگه مناسبت بیلدیرگن سیاسی تحلیلچی کمال الدین ربیموف نینگ ایتیشیچه، " بوگون بیرار بیر ایکسپرت افغانستان سناریوسی نینگ قیسی یول بیلن حل بولیشی نی تصویر قیله آلمه یدی".

"چونکه طالبلرنی مفکوره وی بیر حرکت صفتیده اینگیش، بوتونلی یوقاتیش قیین. عین پیتده طالبلرده سیاسی مذاکره لرگه هم تکتیک صفتیده قره ش مایللیگی جوده هم کوچلی: یعنی طالبان نینگ ینه بیر معما سی نتیجه سیده کوچلی مرکزلشوو امکانیتیگه ایگه ایمس. اولرنینگ باشیده ملا عمر تورگنی بیلن، لیکن او همه سینی جمعلب، بیر سوز بیلن بیرچه معمالرنی اوزیل کیسیل حل قیله آلمه یدی. بونینگ اوستیپگه، افغانستان جمعیتیده هم حاضرگی حاکمیت، بحران وباشقه معمالرگه ناراضیلیک صفتیده طالبلرگه مایللیک شکللنیب باره یاتگنینی هم اعتراف ایتیش کیره ک"، ـ دییدی تحلیلچی.

Image caption طالبان سونگی ییللرده افغانستان نینگ عینآ مرکزی آسیا دولتلری بیلن توتش منطقه لریده وضعیت نی انچه یین ایزدن چیقه ریشگه موفق بولگن.

اوزبیکستان گه بیواسطه قوشنی افغانستان ماجراسی ایسه، خارجی قوشینلرنینگ کیله سی ییلگه سفربرلیگی عرفه سیده هم نه ـ ده حربی و نه ـ ده سیاسی ییچیم نی تاپگن.

خوددی شو منظره ده مسوول خلق ارا تشکیلاتلر برچه سی نینگ بیردیک اعتراف ایتیشلریچه، محو بولیش نینگ اورنیگه، حاضرگه کیلیب، افغانستان ده طالبان حرکتی قیته فعاللشگن.

افغانستان نینگ عینآ مرکزی آسیا دولتلری بیلن توتش منطقه لریده وضعیت نی انچه یین ایزدن چیقه ریش، اوزبیکستان اسلامی حرکتی بیلن قیته بیرلشیشگه موفق بولگن.

سونگی ییللرده مملکت نینگ قالگن حدودلری قالیب، پایتخت کابل نینگ اوزیده قطار ییریک خودکشلیک هجوملری اویوشتیریش نینگ هم عهده سیدن چیققن.

خوددی شو منظره ده نه ـ ده غرب، نه ـ ده منطقه دولتلری و نه ـ ده افغانستان حکومتی نینگ حرکت بیلن تینچلیک مذاکره لری آلیب باریش اورینیشلری بیرار بیر جدی ثمره بیرگن.