افغانستان شرقیده آدم اوغیرلاوچی 13 نفرلیک بیرگروه قولگه آلیندی

ملی خوفسیزلیک اداره سی آدم اوغیرلاوچی بوگروه اعضالری اوز گناهیگه اعتراف ایتگنلیگی نی ایتگن. افغانستان ملی خوفسیزلیک اداره سی بو گروه نی شرقی ننگرهار ولایتده قولگه آلگن. بو اداره اوزی نینگ نشر ایتگن اعلامیه سیده، مذکور گروه اعضالرینی ماهر آدملر اوغیرلاوچی دیب توصیفلب، اولر ننگرهار و لغمان ولایتلریده اوغیرلنگن آدملرنینگ قضیه سیده قولی بولگنی نی معلوم قیلگن. اعلامیه کوره، عیبدار شخصلر ننگرهارده گی ملی خوفسیزلیک اداره سی خادملری تمانیدن قولگه آلینگن. خوفسیزلیککه کوره، بو گروه اعضالری بیر نیچه وقت آلدین بلخ بیر طلبه سینی اوغیرلب، عایله سی دن ایکی یوز مینگ افغانی آلیب اونی شفقت سیز روشده اولدیرگن. ملی خوفسیزلیک نشر ایتگن ویدیو تسمه ده، مذکور گروه اعضالری طلبه نی قنده ی اوغیرله گنی نی اعتراف ایتگنی کورستیلگن. بلخ بیلیم یورتی طلبه سی عنایت الله سونگی اوغیرلنیب، ننگرهار ولایتیده ادم اوغیرلاوچیلرتمانیدن اولدیریلدی. افغانستان ده آدم اوغیریلر قولیده اولدیریلگنلر سانی حقیده انیق معلومات قولده ایمس، اما سونگی ییللر افغانستان ایریم منطقه لریده آدم اوغیرلش میزانی آشگن. افغانستان شرقی ـ مرکزی و غربی قسمیدن ییتیب کیلگن خبرلرگه کوره، او منطقه لرده آدم اوغیرلش حاللری خوفسیزلیک واجتماعی معما گه ایلنگن. هرات ده علی سینا اسملی باله نینگ اوغیرلنیب اولدیریلگنی، افغانستانده آدم اوغیرلش معماسی گه اعتبار قره تیلدی. بو ییل یاز ده پارلمان اعضاسی غزنی ده اوغیرلنگنی، مملکت بویلب کته بحثگه سبب بولدی. شونگه قره مسدن، هنوز هم آدم اوغیرلاوچی گروه لر فعال بولیب، خوفسیزلیک کوچلر نینگ اولرگه قرشی کوره شی کیسکین نتیجه بیرمه گن.