"طالبان نظارتیدن چیقاریلگن منطقه لر قیته اولرنينگ قولیگه اوتيشي ممكن"

بيریتانیا کوچلری نینگ یوقاری حربی ملازملریدن بیری خارجی کوچلر افغانستاننی ترک ایتگن حالده، طالبان نظارتیدن قيته ريب آلينگن ایریم حدودلر قیته دن اولرنينگ نظارتیگه اوتیشیدن خواطر بیلدیرگن.

ژنرال پیتروال دیلی تيلگراف روزنامه سی بیلن بولگن صحبتیده شونده ی فکر بیلدیرگن:" کوچلریمیز کوپ محنت بیلن ایریم منطقه لرنی طالبان دن تازه له دی، طالبان عصیانچیلری اوشبو منطقه لرنی قیته اوز تصرفیگه آلیش اوچون قتیق اوروشیشلری ممکن."

بيریتانیا باش وزیری دیوید کامرون بیرهفته آلدین بریتانیا کوچلری افغانستانده گی مآموریتی نی موفقیت بیلن عملگه آشیرگنینی ایتگن ایدی.

بيریتانیا کوچلری 2001- ییل افغانستانگه كيليب جايلشدي، اما شوپیتگه قدر 447 عسکری مملكتده یوز بیرگن ناقرارلیکلرده هلاک بولگن.

ناتو کوچلری جمعه کونی کابلده یوزبیرگن انتحاری هجومده ینه اوچ عسکری قربان بولگنینی تصدیق له دی.

حاضرگی کونده 5200 بيریتانيا عسکری افغانستانده فعالیت آلیب بارماقده، بيریتانیا دولتی میلادی 2004 ییل اداغیگچه برچه حربیلرینی افغانستاندن آلیب چیقیشینی معلوم قیلگن.

بيریتانیا ژنرال لریدن پیتر وال دیلی تلگراف بیلن بولگن صحبتیده، القاعده ترماغی نینگ یوق ایتيلگنيني بیرینچی مقصد ايكنيني ايتگن، بیراق طالبان کوچلری قولدن بیرگن موسی قلعه تومنی کبی منطقه لرنی قیته قولگه کیريتیش اوچون اوروشلريني شدتلشتيريشي ممكنليگي باره سيده تاكيدله گن.

اما او، اعتدال طالبان نینگ سیاسی جریانگه قوشیلیشیگه امید بیلدیرگن .

بوندن آلدین ناتو باش کاتبی اندرس فوگ راسموسن هم ناتو کوچلری افغانستانده کوزلنگن مقصدیگه ایریشگنینی اعلام قیلگن ایدی.