شبرغانده بیرعیال نهایت قشاقلیک دستیدن اوزینی اولدیرگن

Image caption پولیس نینگ ایتیشیچه، بو38 یشرعیال، گلجان اسملی بولیب، اوتگن کیچه آقچه تومنی نینگ سقیزکول قیشلاغیده، اوزی نینگ حلقه گه آسگن.

پولیس نینگ ایتیشیچه، جوزجانده بیرعیال قینانه سی نینگ کومیش مراسمی اوچون، اوزینی اولدیرگن. بوییل 25 عیال وقیزباله، بوولایتده اوزینی اولدیریب ویا اولدیریلگن.

پولیس نینگ ایتیشیچه، بو38 یشرعیال، گلجان اسملی بولیب، اوتگن کیچه آقچه تومنی نینگ سقیزکول قیشلاغیده، اوزی نینگ حلقه گه آسگن.

جوزجان خوفسیزلیک قوماندانی نینگ جنایی جرملرکشف ایتووچی آمری سارمن عبداللطیف نینگ ایتیشیچه، بوعیال دن سکیزفرزندقالیب، همده تورموش اورتاغی ایسه، آیاق وکوزدن معیوب دیر.

اونگه کوره، اوتگن هفته گلجان نینگ قینانه سی وفات ایتگن، لیکن اونهایت قشالیکدن مراسم خرچینی تولدیره آلمسدن، اوزینی اولدیرگن.

جوزجان خوفسیزلیک قوماندانی نینگ جنایی جرملرکشفی نینگ آمری نینگ ایتیشیچه، کونی کیچه گلجان اولیگی، منزلیدن دار گه آسیلگن حالتده تاپیلیب، شفاخانه گه کیلتیریلگن.

آقچه تومنی نینگ شفاخانه مسوِءلی داکترنجیب الله نینگ ایتیشیچه، بوکون عیال نینگ اولیگی شفاخانه گه کیلتیریلیب، معاینات آرقه لی فقط بوغیزده بولگن آله نینگ علایملری کورینه دی.

گلجان نینگ قرینداشلریدن بولگن اسدالله نینگ ایتیشیچه، اوتگن آقشام بوعیال اوزسینگلی نینگ اوییدن خیرله شیب چیققن، وسینگلی ایسه اونینگ بوایشینی جدی آلمه گن.

اونگه کوره، گلجان نینگ قینانه سینی کومیش مراسم خرچینی محلده گی اهالی اوزبوینیلریگه آلگن، لیکن گلجان بوحالتدن قتیق رنج ایلترایدی، شونگه کوره، اوتگن کیچه اونینگ اولیگی حلقه گه آسیلگن حالتده تاپیلگن.

اسدالله نینگ ایتیشیچه، بوعایله کیچه وکوندوز آوقتیگه محتاج بولگن، بعضأ ایککی یاش باله سیگه مزدورکارلیک تاپیلسه، بعضأهم تاپیلمه گن.

بوعیال نینگ اولیمی بیلن، جوزجانده جاری ییلده کوپلب خاتین قیزلرنینگ خودکش لیک همده اولدیریلیشی انسان حقلری اویوشمه سیده ثبت ایتیلگنی 25 گه ایتیشه دی، بوحالت اوتگن ییلده 20 دن آرتیق بولمه گن.

بوجمله دن، اوتگن هفته مردیان تومنیده اوغیل اوردی اسملی 18 یشرقیزباله قالین توقیش صنعتی بیلن شغله نرایدی، اوزی نینگ قالین ایریشی بیلن آسگن، شبرغان شهری نینگ مرکزی بولگن جوزجانده، بیر20 یشرعیال عایلوی قیین چیلیگی باعث، زهرلی دوا ییب اوزحیاتینی یکون لنتیرگن.

بووضعیت، انسان حقلری نینگ اویوشمه سی همده عیاللرریاستی نینگ جدی تشویش گه سالیب، اکثری خودکش لیکلرنی عایلوی قیین چیلیکلرسبب دیب اورغوله یدیلر.