فاریابده توی مراسملریگه اشوله چیلر نیگه دعوت ایتیلمیدی؟

بونگه بوندن آلتي آی مقدم دين عالملري توي مراسملرده موسيقه و بزم منع ايتيليشي حقيده چيقرگن قراري سبب بولگن. حاضر ايسه، توي مراسملري موسيقه سيز اوتكزيله ياتگني ايتيله دي. محلي هوسكار موسيقه خواننده لري، جاري وضعيت دن تشويش بيلديريشگن.

اولرني حاضر اكثر توي مراسملريگه چيقيريش حاللري سسته يگن.

فاریاب ولایتی ده محلی موسيقه خواننده ليك كسبي آلدینلر انچه یخشی بولگن، اهالي ایریم توی ـ تامشه مراسم لریگه صنعتكارلرني دعوت قيليشردي.

بوندن بيش ييل دن بویان اشوله چیلیک بیلن شغله نیب، اوزبیکچه اوقیب کیله یاتگن نقیب الله عرب، سونگی پیتلرده اشوله چیلیک وضعیتی یمانله شیب باره یاتگنی دن شكايت قيله دي:"محفل لر هم مزه سی یوق، بیرییل- ایکی ییل ایلگری لرهم غنیمت ایدی، توی له بیخی کم بولگن بیران توی تاپیملسه، توی – پوی خلاص بولگن. شوگپ له يیغیلگن، هنرمندله بیکار، بیزله گه کمک مومک یوق، شوندی بوله ویرسه هنرمند لیک نی قویبیره میز" گرچند ینگی دن قوشيققه یوزکیلتيرگن کیشی لرهم بار، لیکن بوکبی ییگیت لرنینگ سانی آزبولگن. بیر– ایکی ییل دن بویان محلی موسیقه گه یوزکیلتیرگن ییگیت لردن محمد کاظم یلغوز، آلتی آی دن بویان هنرمند چیلیک ایشلری یمانلشگنینی ایته دی:"هنرمند لر تویلرگه قتنه شرایدی، حاضر منه فاریاب ولایتی نینگ اوشه مولوی لری می آخند لرمی شوندی ایتکن که هنرمند لرباید منه شوندی تویلرگه اشتراک قیلمه سین که یعنی محفل زنانه گه، تویلرگه حاضر تیپ دیسیزمی دیک دیسیزمی؟ ایلته دیلر. محفل مردانه گه هم غربی موسیقه ایلته دیلر".

فاریاب دين عالملری نینگ موسیقه نی تویلرگه آلیب باریلمسلیگی توغریسیده بیرگن فتوالری سبب، هنرمند چیلیک وضعیتی یمان بولگنیني ایتیله دی. بوحقده فاریاب هنرمند لریدن سید بصیر امینی هنروضعیتی نهایت ده یمان بولگنینی معلوم قیله دی

Image caption اولرني حاضر اكثر توي مراسملريگه چيقيريش حاللري سسته يگن.

فاریاب محلی هنرمندلربیرلشمه سی نینگ باشلیغی ویس الدین سامل جنابلری مذکور قینچلیک لرین تایید لب، وضعیت شوندی دوام ایتکن حالده محلی اشلوله لر تیزده اورته دن کیشی نی معلوم قیله دی:"بیرییتی آی یا آلتی آی ایلگری شوندی ممانت بولدی که تویلر موسیقه ایلتیش نی منع قیلدیلر، بلاخره شووقت لرمین هم بیله من که، شو هنرمندان اصیل اوشه بومی کیشلر که خوشلیک مراسیمگه اشتراک قیلرایدیلر. یخشی قیزیق موسیقی قیلرایدیلر لیکن بوگونلر ممانعت ایجاد ایتیلگن کوپ وضعیت یمان کیلگن". باشقه تماندن فاریاب ده گی دین عالم لریدن بولگن مولوی اسدالله حبیبی جنابلری موسیقه قرآن آیتلري آرقلی حرام قرار بیریلگن لیگینی ایته دي:"قرآن آیه لردن که موسیقه نی حرام لیگینی اثبات قیلسه لقمان سوره سی نینگ 5آیتده کیلگن و باشقه تورلی آیت لرآرقلی حرام قرار بیریلگن جمهور عالمان لرنینگ نظری شو" دییدی مولوی اسدالله حبیبی جنابلری. فاریاب ولایتی ده محلی موسیقه قدیم زمانلردن رواج تاپیب، میمنه گله باغی،توره جان، مکیلی، جوره قوزوم، چپه گردن، کبی مشهور اوقیش لراورته گه کیلگن مذکورقوشیقلر غيجگ، دومبوره، قوشقارچه وباشقه اونلب قولده توزیلگن موسيقه چالغو اسبابلردن عبارت.