قانون لایحه لری نیگه اوز زمانیده تصدیقلمنیدی؟

پارلمان وکیللری کیله جک اون کوندن سونگ عمومی تعطیلده چیقیشی ممکن، لیکن کانلر ،خاتین قیزلرگه قرشی زوروانلیک لرنی الدینی الیش کبی مهم قانون لایحه لری وکیله جک ییل ملی بودجه سی پارلمان تمانیدن تصدیق لنمه گنی قطار تنقیدلرگه سبب بولگن.

ایریملر گه کوره، ملت وکیللری نینگ عمومی جلسه لرده حضور تاپمه گنی وسیاسی معما لر بونگه اساسی عامل بولگن. بعضی بیر ملت وکیللری هم شوندی معما لرنی تصدیق لیدی.

1393 ییل بودجه سی نینگ رد ایتیلیشی اولوسی جرگه نینگ بوکونگی یغینده هم ایریم تنقید لر بیلن بیرگه بولدی.

ملت وکیللریدن بیری رمضان بشردوست بودجه لایحه سی نینگ زودلیک بیلن تصدیق ایتیلیشی کیره ک لیگینی تاکیدلب بوندن کوره هم کیچیکتیریلسه، دولت ایشچیلری اوچون کتته معما توغدیریلیشی بیلن آگاه لنتیردی.

نه فقط بودجه بلکه افغانستان اوچون مهم بولگن کانلر قانون لایحه سی، عیاللرگه قرشی زوروانلیک لرنی آلدینی الیش و عالی تحصیل قانون لایحه لری هم اولوسی جرگه تمانیدن تصدیق لنمه گن.

اولوسی جرگه وکیللریدن بشیر احمد تینچ، قانون لایحه لرینی اوز وقتیده تصدیق ایتیلمه گنیگه اساسی عامل نیمه بولگنینی شوندی اچیقله دی:" بیرقنچه قانون لایحه لری اوته مهم بولگنی اوچون انیق مباحثه ایتیله دی. خطالری کوریب چیقیلیب اصلاحات آلیب کیلیش تکلیف قیلینه دی، شوباعث ایریم قانون لایحه لری اوز زمانیده تصدیقلنمیدی."

اما ملت وکیللریدن باشقه بیری خانم عزیزه جلیس عیاللرگه قرشی زوروانلیک لرنی الدینی الیش کبی مهم قانون لایحه لرسیاسی قومی و ملت وکیللری اره سیده گی قرشلیلیک لر باعث تصدیق لنمی قالگندیب فکر بیلدیردی.

تورموش یاشی، نکاح صلاحیتی، امن اویلر، نیچه خاتین آلیش کبی مسا له لر پارلمانده جدی جنجاللرگه سبب بولیب عیاللرگه قرشی زوروانلیکلرنی الدینی الیش قانونی تصدیقلنمی قالدی.

شونینگ دیک عالی تحصیل قانون لایحه سیده بیلیم یورت لر پوهنتون و یاهم دانشگاه آتی بیلن رسمیت تاپیشی جنجاللرگه سب بولیب تصدیق لنمه دی همده، کانلر قانون لایحه سیده هم ایریم کمچیلیک لربارلیگی ارغوله نیب پارلمان تامنیدن رد ایتیلدی.

کوزه توچی سیدن انور انیق مهم قانون لایحه لر پارلمان تمانیدن تصدیق لنمه گنی، اساسی معما بولگنینی اورغولب، جامعه ده سلبی تاثیر قالدیریش ممکن لیگینی تیلگه آله دی . اونگه کوره کانلر قانون لایحه سی تصدیقلنمه گن حالده ، کانلرنی قازیب چیقه ریش ریجه لری عملی بولمی مملکت اقتصادیگه ییریک ضرر یتکیزه دی.