" قندهاردن قولگه آلینگن طالبان قومندانی بگرام دن آزاد ایتیلگن ایدی"

قندهار ولایتی نینگ ملی امنیت اداره سی 15 نفردن عبارت بیرگروه قوراللی لر قولگه آلیگنیدن خبربیرگن، اداره مسووللری اوشو گروه نینگ قطار هجوملرده قوللری بولگنیگه حجتلر موجود لیگینی تاکیدله گن.

قندهار ولایتی نینگ امنیت اداره سی اوشبو ولایت مرکزیده یولگه قوییلگن مطبوعات انجمنیده بو گروه حقیده معلومات بیریب اولرنی مطبوعات فعاللریگه کوره ستگن.

بی بی سی نینگ قندهار ده گی خبرنگاری مامون درانی نینگ ایتیشیچه، اوشبو اداره مذکور شخصلرنینگ ویدیوتسمه دگی اعتراف لرینی ژورنالیستلر اختیاریگه قوییگن.

قندهار ملی امنیتی نینگ ایتیشیچه:" مولوی منیب قوماندانلیگی بیلن فعالیت قیلگن بوگروه قطار هجوملرنی عملگه آشیریشی بیلن بیرقنچه انسانلر حیاتیگه ضامن بولگن."

طالبان گروهی حاضرگه قدرهم بوخصوصده هیچ قندی مناسبت بیلدیرمه گن.

ویدیو تسمه ده حبسگه آلینگن ملا داد محمد ناملی شخص نینگ اعتراف قیلیشیچه" مولوی منیب قریب بیر ییل آلدین بگرام قماقخانه سیدن قوییب یوباریلگیندن سونگ پاکستان نینگ کویته منطقه سیده کیتگن ایدی."

او ویدیو تسمه ده اوزی و ملا منیب حقیده به تفصیل معلومات بیرگن:" ملا اختر محمد فرزندی قندهار نینگج پاشمول یشاوچیسی من. مولوی منیب امریکالیک لرتمانیدن شهیدان چوکیده اوشلنگن ایدی. اوتگن ییل بهار ده بیر آیی قالگنده بگرام دن ازاد ایتیلدی اوندن سونگ کویته کیتدی. بیز هم اونینگ تبریکی سی اوچون کویته باردیک. آلدینی دوستلیک لری میز اوزجایگه تورگنمی دیب سوال بیردی؟ بیز هه دیدیک. اوندن کیین او بیرنفرنی قندهار ده اولدیردی و باشقه اوچ نفرنی هم رنگریزان مینطقه سیده بیز اولدیردیک."

بوندن الدین بگرام قماقخانه سیده گی محبوسلردن 650 ته سینی قوییب یوباریلگنی افغانستان حکومتی وامریکا کوچلری اره سیده ضدیت لرگه سبب بولگن.