امريكاليكلرنينگ افغانستان اوتگن سيلاولريده كينگ اره لشگني فاش ايتيلدي

افغانستان ایچکی ایشلر وزیرلیگی 93 فایز آوازبيريش مرکزلر خوفسيزليگيني تامین ایتیشي حقيده ایشانچ بیلدیردی. اوشبو وزیرلیک تمانیدن مستقل سیلاولر کمیسیونی گه تاپشریلگن حساباتیده، 6845 آواز مرکزیدن 414 ته سی آچیلمسلیگی باره سیده معلومات بیريلگن. اما شونگه قره مسدن، بو وزیرلیک کیله جک اوچ آی جریانیده مذكور مرکزلر آچیلیشی اوچون جدی سعی و حركت قیلیشینی تاکیدله گن.

افغانستان ایچکی ایشلر و مدافعه وزیرلیکلری و ملی امنیت اداره سی اشتراکی بیلن سیلاولر خوفسيزليگيني تامینلش اوچون مخصوص بیر کمیسیون ایجاد ایتيلگندي.

بو کمیسیون مسووللری بوگون کابلده مطبوعات انجمنی اویوشتیریب، سیلاولر امنیتیني تامین لش اوچون کوزله گن مقصدلریگه ایریشگنلیکلرینی اعلان قیلدی.

کميسیون مسوللری، سیلاولر خوفسيزليگي نی توله تامین لش مقصدی بیلن، اوتگن آلتی آی جریانیده افغانستان نینگ تورلی حدودلریده حربی عملیاتلر یولگه قوییلنگنينی ایتيب، بیرقنچه منطقه لر طالبان عصیانچیلریدن تازه لگنیدن خبر بیردی.

افغانستان ایچکی ایشلر وزیرلیگی سوزچیسی صدیق صدیقی، بوکبی عملیاتلر نتیجه سیده سیلاولر قرشي سيده تورگن امنیتی تهدیدلر کمه یگنینی معلوم قيلدي. اونگه کوره، امنیتی کوچلر 93 فایز رای مرکزلري خوفسیزلیگینی تامین ایتیشگه قادر:"افغانستان سيلاولر مستقل كميسيوني 6845 ته آواز بيريش مرکزی باره سیده امنیتی کوچلریگه معلومات بیرگندي.6431 رای مرکزي خوفسیزلیگی تامین له نیشيگه ایشانچ موجود، فقط 414 مرکز فعال بولمسلیگی ممکن".

بیراق صدیقی جنابلری بو 414 ته رای مرکزي افغانستان نینگ قیسی منطقه لریده قرار تاپگنی باره سیده معلومات بیرمه دی، اما او سیلاولر یقین له شیشی بیلن اوشبو مرکزلر امنیتی هم تامین له نیشیگه امید بیلدیردی.

عین حالده، افغانستان امنیتی کوچلری امذكور مرکزلر خوفسیزلیگی تامین لنمه گن حالده، بو مرکزلر اوريني اوزگرتیریلیشينی سیلاولر مستقل کمیسیونیدن طلب قیلیشینی معلوم قیلدیلر.

بوندن آلدین افغانستان رسميلري اظهاراتیگه ماس، قریب یيتتی مینگ رای مرکزي جمله سیدن اوچ مینگ ته سي امنیتی تهدیدلر گه یوزمه یوز ایکنی خبرقیلینیب، مذکور رای مرکزلری جایلشگن حدودلرده سیلاولر بولیب اوتمسليگي ممکن لیگی ایتیلگن ایدی.

شونینگدیک، افغانستان خوفسيزليك رسميلري ، هوا ساووق لیگیگه قره مسدن، طالبان عصیانچیلری کیله جک سیلاولر امنیتی نی بوزیش اوچون فعالیتلرینی تیزلشتیرگن دیب فکر بیلدیردی.

باشقه تماندن افغانستان نینگ ناتینچ یتتی تومنیده آواز چیپته لرینی ترقه تیش برنامه سی حاضرگه قدرهم عملگه آشیريلمه گن.

جمهوررییسلیک و ولایتی کینگش سیلاولری کیله جک قویاش ییلي حمل آی نینگ 16- سیده بولیب اوتیشی ریجه لنگن.