فاریاب ده باله آته سيني مارتول بيلن اوريب اولديردي

حادثه فاریاب ولایتی مركزي ميمنه شهري نينگ بيرينچي ناحيه سيده يوز بيرگن. فاریاب امنیه قومندانلیگی نینگ سوزچیسی سیدمسعود یعقوبی نينگ بی بی سی گه معلوم قيليشيچه، واقعه عایله وی دشمنليك سبب يوز بيرگن.

قاتل خوفسيزليك كوچلري تمانيدن حبسگه آلينگن.

مزارشريفده هم بير شخص اوز خاتيني بوغيب اولديرگن.

حادثه، اخترمحمد اسملي شخص کیچیک یاشيده بولگن قیزباله سینی اوز اوغلی نینگ خاتینی بیلن المشتيریب، هرات لیک بیرییگیت گه تورموشگه بيرگن، لیکن اوکیشی اوغلینی تویي دن نیچه ییل اوتگندن سونگ، قیزینی آلدینگی قوده لریگه بیرمه ی، باشقه بیرییگیت بیلن توی قیلیشگه قرار آلگن بير پيتده صادر ايتيلگن.

اوز آته سيني اولديرگن نورمحمد، پلیسگه اونینگ قیین آته سی هرات شهریده اونی تورت اوغلی و عیالینی گروگه آلیب، اونگه سینگلیسینی هراتگه ييتكزيب بيرمه گن تقديرده، باله لري و خاتيني ني قوييب يوبارمسليگي ني ايتگن بير چاغده، آته سینی بونگه سببچي بيليب، اولديرگنيني اعتراف ايتگن.

پولیس نينگ معلوماتیگه قره گنده، مزكور ییگیت بوندن 9 ییل آلدین اويلنگن، ‌اوشه پیتده اليشتیریلگن سینگلیسی نهایت کیچیک بوليب، بوقیز بالاغت ياشيگه ييتيشي بیلن هرات ده گی شخصگه اويلنمسليگي ني ايتگن. بو مسله قيزنينگ اكه سي نينگ غضبيگه سبب بوليب، آته سيني اولديريشگه قرار آلگن.

عين حالده، بوندن اوچ آي مقدم نامعلوم شخصلر تمانيدن اوغيرلنگن شخص نينگ جسدي ميمنه شهري يقينيدن بويني بوغيلگن حالده تاپيلگن.

حادثه بيرار كيشي عيبلنيب، قولگه آلينگني چه يوق. اما تيكشيروو دوام ايته ياتگني معلوم قيلينگن.

باشقه تماندن فارياب امنيه قوماندانليگي مسووللري، ولايت بويلب اوتگن 24 ساعت ايچيده بيش كيشي جنايتچي قولگه آلينگني دن خبر بيرگن. اولردن ايككيته سي اوغيرچيليك، بيرته سي آدم اولديريش و باشقه ايكيته سي هم طالبان گه همكارليك قيلگنليكده عيبلنيب، حبسگه آلينگن.

عين حالده، بوگون ايرته لب مزارشريف ده هم بير شخص اوزي نينگ 28 يشر خاتيني ييپ بيلن بوغيب اولديرگن. پوليس مسووللريگه كوره، قاتل قولگه آلينگن و اوز گناهيگه اعتراف ايتگن.

سونگي پيتلرده شمالي ولايتلرده عياللرگه قرشي زوره وانليك حاللري كوپه يگني ايتيله دي. شمالی فاریاب ولایتی سونگی نیجه هفته ایچیده ایریم جنایی و سیاسی حادثه لرگه گواه بولیب، اوتگن 5 شنبه کونی بو ولایت شیرین تگاب تومنیده نظام قومندان ناملی شخص نینگ اویده هجوم بولیب، نتیجه ده مذکورقومندان داخل اوچ کیشی هلاک ایتیلیب، نظام قومندان نینگ هم اوغلی ناتنیش قورالی لرآرقلی آلیب کیتیلگن ایدی.