حکمتیار اوزطرفدارلریدن کیلگوسی سیلاولرده اشتراک ایتیش لرینی طلب قیلدی

اسلامی حزب کیلگوسی 1393ییلده گی سیلاولرده قتنه شیب ومهم رول اوینه ش فکریده بولگنی نی معلوم قیلگن.

بو حزب برچه اعضا وطرفدارلری گه نامه یوباریب اولردن کیلگوسی ولایت کینگش سیلاویده بو حزب نینگ حمایت ایته دیگن نامزدیگه آوازبیریش لرینی طلب قیلگن.

اسلامی حزب هلی هم خارجی لرچیقیشی نی تاکیدله یدی وخارجی لربولیشی بیلن مملکتده شفاف وعدالت سیلاولربولیب اوتیشی ناممکن دیب ایتماقده.

اسلامی حزب یقینده اوز اعضا وطرفدارلری نی سیلاولر گه اشتراک ایتیش لری باره سیده ترغیب ایتگن.

اسلامی حزب مسووللریدن وگلبدالدین حکمتیار کیاوی غیرت بهیر بی بی سیگه بو حزب نینگ رهبرلیک هیاتی بوحزب کیلگوسی سیلاولرده مهم رولی بولیشی باره سیده قرارآلگن لری نی معلوم قیلدی.

"شفاف وعدالت لی سیلاو بولیب اوتیشی گه اسلامی حزب نینگ ایشانچی کامل، وبوایسه بوحزب نینگ اساسی اصولی حسابلنه دی. مینینگ امیدیم شوکه کیلگوسی ایسه سیلاو شفاف وعدالت لی بولسه، شونینگ اوچون بو حزب کیلگوسی سیلاوده مهم رولی بولیشی اوچون برچه اعضا وطرفدارلری حصه قوشیشلری گه بویروغ بیریلگن". دییدی بهیرجنابلری

هرچند بو حزب حاضرگه قدرجمهور رئیس نامزدلریدن بیرارته سیدن حمایت ایتیشی نی معلوم قیلمه گن. اما اعضا وطرفدارلریگه نامه یوللب ولایت کینگش سیلاویگه اشتراک ایتیب وبو حزب حمایت ایته دیگن نامزدگه آواز بیریش لرینی طلب قیلگن.

"اسلامی حزب نینگ رولی نیمه بولگنی باره سیده وکیم نی حمایت ایتیب کیم نی تصدیق له شی واوزی نینگ مخصوص کاندیدی بولسه بو باره ده نهایی قرارآلمه گن" دییدی اسلامی حزب مسووللریدن غیرت بهیر

گلبدالرین حکمتیار افغانستان دولتی نینگ مخالف گروه لررهبرلریدن بیری حسابلنه دی. واونینگ اسمی امریکا تشقی ایشلروزیرلیگی رویخطیده گی دنیا تروچیلری قطاری گه کیریتیلگن.

اسلامی حزب امریکا وناتو کوچلری نینگ افغانستانده گی حضورینی باسقینچی لرصفتیده کوریب وحاضرگه قدر خارجی لرگه قرشی یول یانیده اورنه تیلگن ماین لرنی پارتله تیش وخودکش هجوم لرنی عملگه آشیریلگنی نی نیچه مرته اوز بوینیگه آلگن.

تخمین لرگه کوره بو حزب نینگ رهبری پاکستان نینگ قبیله لرمنطقه سیده یاشیریلگن. اونگه تیگیشلی جنگری لر مملکت نینگ کوپراق شرقی وشمال شرقیده فعال بولگن.

هرچند موجود اسلامی حزب حکومت گه قرشی بولیب کیلگن، اما شونگه قره مسدن کوپلب اعضالری کرزی حکومتی نینگ مهم لوزام لریده وظیفه بجریب کیلماقده لر.

بیرقنچه وزیرلیک لوزمی دن توتیب ایریم ولایت لرده گی لوازم لرایسه اسلامی حزب اعضالری تاماندن باشقریله دی.

بوندن تشقری بو حزب نینگ اعضالریدن بیر قطارلری پارلمانگه یول تاپگن لر.

معارف وزیری فاروق وردک، اقتصاد وزیری عبدالهادی ارغندیوال، ایچکی ایشلروزیری عمرداودزی، ملی خوف سیزلیک اداره سی رحمت الله نبیل وکرزی جنابلری نینگ دفتررئیسی کریم خرم لر بو حزب نینگ مهم اعضالریدن بولیب وحکومت آله دیگن مهم قرارلرنی آلیش گه کته رول اوینب کیلماقده لر.