ملی بودجه تصدیقلندی

افغانستان اولوسی جرگه سی بوگون 1393 ییل ملی بودجه سینی تصدیق له دی.

بودجه لایحه سی قریب ایککی هفته الدین پارلمان گه یوباریلگن ایدی، اما تینگلیک نظرده توتیلمه گنی واصلاحات کیتیریش اوچون اولوسی جرگه تمانیدن رد ایتیلگن ایدی.

اولوسی جرگه نینگ مالی کمیسیونی، افغانستان مالیه وزیرلیگی تمایندن ملی بودجه ده کیره کلی اصلاحات لر کیریتیلگنینی ایتدی.

1393 ییل بودجه سی 428 میلیارد افغانی دن عبارت بولیب بوجمله دن ایککی یوز سکسن میلیارد عادی و 147 میلیاردی هم کینگیتریش بودجه سیگه اجره تیلگن.

اولوسی جرگه نینگ مالی کمیسیون رییس و اعضالری ملی بودجه ده اصلاحات کیرتیلگنینی تیلگه آلیب وکیللرتکلیفی هم مالیه وزیرلیگی تمانیدن انابتگه آلینگنینی معلوم قیلدی.

140 میلیون دالربودجه نینگ رواجله نیش بولیمیده کوپیتیریلگنی اولوسی جرگه وکیللری نینگ تکلیف لریدن بیری بولگن. اما ایریم ملت وکیللری 3 یوز میلیون دالر احتیاط کودیده کوپیتیریلگنینی تنقیدلب چیقدی. بو بولیمده اجره تیلگن مبلغ ایسه بودجه نینگ اون فایزینی تشکیل بیره دی.

بوحقده ملت وکیللریدن بیری صادق نیلی زاده.

"سیز جمهورریس و اورین باسرلری اختیاریده بولگن ایککی احتیاط کودی بودجه سینی اوچ یوزمیلیون دالرگه کوپیتردینگیز اولرنینگ کیله جک سیلاولر اوچون خاص تیملری بار. 180 میلیون دالرنی جمهورریس واورین باسری اختیاریده قویدینگیز.پالیسی وفوق العاده کمیته بودجه سی جمهوررییس و اورین باسرلری اختیاریده". دییدی نیلی زاده

اما افغانستان مالیه وزیری حضرت عمر زاخیل وال اولوسی جرگه نینگ بوکونگی یغینیده بو مبلغ پارلمان وکیللری نینگ مالی امتیازی اوچون کوپیتریلگنینی تیلگه آلدی.

"پارلمان امتیازلری کوپیتیریلگنی باعث بیز موافقت قیلدیک. قوشمه کمیسیون اوزارا کیلشدینگیز اگر ایسته مه ی سیزلر بودجه دن چیقاره میز". دییدی زاخیل جنابلری

هوا یوللری ریاستی نینگ بودجه سی ترانسپورت وزیرلیگی اوچون اجره تیلگنی ملت وکیللری نینگ تنقیدلریدن باشقه بیری ایدی. ایریم ملت وکیللریگه کوره، بو اداره مستقل فعالیت آلیب بارماقده شو اوچون مستقل بودجه اجره تیلیشی لازم.

اما افغانستان مالیه وزیری بو اداره ترانسپورت وزیرلیگی بیلن قوشمه فعالیت آلیب باره یاتگنی باعث علحیده بودجه اجره تیمله گن دیب جواب بیردی.

"اوییرده ترانسپورت و هوای یوللری اداره سی دیب یازگن میز،دلیلی هم شو کی ایریم پروژه لرنی ترانسپورت وزیرلیگی ایلگری الیب کیترایدی. ایشی جریانده هم ترانپسورت و هم هوا یوللری مسوول. بو اداره لر بودجه سینی اجره تیش کمچلیک آلیب کیله دی". دییدی افغانستان مالیه وزیری

کوپگینه بحث لردن سونگ 1393 ییل بودجه سی آواز گه قوییلیب اکثریت آواز بیلن تصدیق لندی.

هرحالده بودجه نینگ قریب یریمی امنیتی بولیملرده اجره تیلگن، مالیه وزیرلیگی سیلاولر یولگه قوییلیشی خوف سیزلیک مسوولیت لرینی افغان کوچلریگه تاپشیریلگنیی بونگه اساسی دلیل دیب فکر بیلدیرماقده. خوب شوندی ایکن، ملی بودجه ده قنچه لیک تینگلیک نظرده توتیلگن.

مالیه وزیرلیگی گه وکوره ینگی بودجه لایحه سی اساسیده 7,9 میلیارد دالر هزینه بیلن 668 ایش اورینلری ایجاد ایتلیشی ممکن.

اوشبو وزیرلیک ایش سیزلیک میزانینی 16,5 فایز ایکنینی اعلان قیلیب. بو بودجه صرف ایتیلیشی بیلن ایش سیزلیک میزانی 11,6 فایز کمه ییشی ممکن.