اوزبیک رپری:" مین فقط مایکل جیکسون وشکیره گه تن بیره من"

Мултимедиа ўйнаш бу қурилмада дастакланмайди

بو ایکی یولدوز خاندانی نینگ مخلصی بولگن فردین عسکری نینگ اوزی افغانستان بلبلی احمد ظاهر نینگ قوشیق لرینی کویلب، اوزی اوچون کوتیلمه گن بیر حالتده صنعت عالمیگه قدم قویگن.

اگر، تعبیر جایز بولسه، صحبت داشیمیزنینگ تقدیری سیزگه خودی هند کنالرینی ایسله تیب یوباره دی.

ایکی ییل دیرکی، شیویتسریه ده مهاجرتده قیله یاتگن فردین اصلی افغانستان نینگ اساسن اوزبیک لر یشاوچی میمنه شهریدن. حاضر 30 یاشیده.

فردین اوچون کته صنعت گه یا، 190- ییللر باشلریده، هلی مکتب اوقووچیسی ایکنی چاغیده اوکه سی بیلن ایکاوی طالب لردن قاچیب، باش پناه ایزلب بارگن ایراندن باشلنه دی.

یاش باشیگه توشگن مهاجرلیک علم لرینی احمد ظاهر نینگ " مین چون آرتیق کوز یاش توکمه" اشوله سی گه سالیب کویله یاتگن بیر ییرده تورت تنگه پول ایلینجیده اوزی تینیم نیمه لیگی نی بیلمی محنت قیله یاتگن قوریلیش رهبرنینگ مشهور خواننده دوستی نینگ نظریگه توشیب قاله دی.

فردین خودی ایشان نینگ کمگی ده ایلک بار اوز آوازی نی ایرانده گی راست منه آواز یازیش ستدیوسیده سینب کوره دی.

اوز آوازی بیلن او ییرده گی لرنی تن آلدیرگچ، بیر قنچه ایرانلیک خانه ده و موسیقی گروه لر بیلن ایجادی همکارلیگی باشلنه دی.

قیسقه وقتی نینگ ایچیده ایرانده قطار کیلیپ لر یره تیب، مینگلب مخلص لر آرتیریشگه هم اولگوره دی.

قوشیق لری افغانستان ده گی قطار تلویزیون کنه لری نینگ هم اعتباریگه توشرکن، اوزی نینگ آوازو اوسلوبی بیلن آنه وطنی ده هم کوپچیلیک نینگ کونگلی دن جای آله دی.

قیتیب، حیاتی و ایجادی فعالیتی نی ایندی یولگه قوییب آلدیم دیگنده سیاسی قره ش لری سبب، تعقیب گه اوچره یدی و شیویت سریدن باش پناه آلیشگه مجبور بوله دی. فردین نینگ ایتیشیچه، ایراندن افغانستانگه اما، صحبت داشیمیزنینگ سوزلریدن عیان بولیشیچه مهاجرلیک حیاتی نینگ قتیق لیک لریگه قره می، هنوز ایجاد قیلیش، ینگیدن اشوله لر یره تیشدن توخته مه گن.

فردین شخصن اوزی مرحوم پاپ یولدوزی مایکل جیکسن و شکیره لرنینگ استعدادی و جسارتیگه تن بیریش نی ایترکن، قوشیقچی صفتیده هیچ کیم گه تقلید قیلمسلیگی نی علاحیده تاکیدله یدی.

Image caption اوزبیک ریپپیری:" مایکل جیکسون وشکیره نینگ استعدادو جسارتیگه تن بیره من"

افغانستان نینگ اساسن اوزبیک لر یشاوچیسی شمالی منطقه لریده ایسه، اوز آنه تیلیده ریپ ایتووچی خاندانلرنی دییرلی اوچره تمه ی سیز.

ییللرکی، مهاجرتده یشه یاتگنی گه قره می، افغانستانده گی ایجاد اهلی بیلن علاقه لرینی اوزمه گن فردین بیر کون کییلب، بری بیر، اوز آنه وطنی نیم گه قیته من، دییدی.

فردین نینگ ایتیشیچه، اینگ ازلی آرزوسی بیر ایمس، بیرنیچیته: بیرآرزوم وطنیم نینگ آرام بولیشی، کیینگی سی انسانلر بیر پرچه نانگه زار بولمه سین و اینگ سونگی شونده ی بیر ایجادی میراث قالدیرمسلیگی، اوزبیک یاشی یاشلری اوندن بهره مند بولیب، مینینگ محنتیم نی دوام ایتدیرسین، دییدی او.

ییللرکی، ایرانده گی" لیوه ریکارس" پروفیشنل آواز یازیش ستدیوسی بیلن همکارلیک قیله یاتگنی نی، افغانستان ایران، تورکیه و شیویتسریه ده اوندن آرتیق اشوله لر یره تیشگه موفق بولگنی، اولردن ایریم لری نینگ شعرو موسیقه لری نی اوزی یازه یاتگنی گه قره می، فردین کمترلیک بیلن اوزینی هنوز هوس کار قوشیق چی سنه شینی ایته دی.

اوز صنعتی آرقه سیدن دنیا نینگ قطار دولت لریده مینگلب مخلص لر آرتیرگن اوزبیک ریپ قوشیقچی سی فردین عسکری بیلن صحبتیمیزده به تفصیل تینگلنگ: