بریتانیا ترقیات اداره سی: امنیتی پیمان امضالنسه امضالنمه سه یاردملریمیز دوام ایته دی

Image copyright dfid

بریتانیا خلق ترقیات اداره سی نینگ یوقاری مرتبه لی مقاملریدن بیری افغانستانده گی یاردم لری هرقندی شرایط ده دوام ایتیشی ممکن لیگینی بیلدیردی.بو اداره توکیو یغینیده هرییلی 178 میلیون پوند یاردم بیریشینی سوزبیرگن ایدی.

بریتانیا نینگ خلق ارا ترقیات اداره سی نینگ یوقاری مرتبه لی مقاملریدن معظم ملک افغانستان و امریکا اره سیده امنیتی پیمان امضالنسه یا امضالنمه سه، اوشبو اداره نینگ افغانستان اوچون یاردملری کیسیلیب قالمسلیگینی ایتدی.

شونینگ دیک معظم جنابلری امنیتی پیمان امضاله نیشی افغانستان کیله جگی اوچون اوته مهم بولگنینی تیلگه آلدی. اونگه کوره، افغانستان امنیتی کوچلری حاضرگه قدرهم دنیاجماعه چیلیگی نینگ مالی یاردملریگه احتیاج:" بیز اوز ریجه لری میزنی افغانستان نینگ حاضرگی شرایطی گه قره ب توزه میز، ناتینچلیک افغانستان بویلب موجود بوضعیت کیله جک نیچه ییل هم دوام تارتیشی ممکن. مذاکره لر باشله نیب تینچلیک تامین لنیشگه امید بیلدیره میز . امنیتی پیمان امضالنسه ویا امضالنمسه بیزنینگ برنامه میز شوکی ایشی میز گه دوام بیره میز."

معظم جنابلری ایریم افغان مقاملری و کیله جک جمهوررییسلیک نامزدلری بیلن هم اوچره شگن، اونینگ ایتیشیچه افغانستان ایریم یوتوق لرگه ایریشگن، اما او حاضرگه قدرهم امنیت اساسی موضوع بولگنینی اورغولب اقتصادنی رواجلنتیریش و اداری فسادگه قرشی کوره شیش اوچون جدی قدملر کوتاریلیشی کیره ک لیگینی تاکیدله دی:" ایشلر عملگه آشیریلگن ارتیق ریجه لر عملی بولیشی کیره ک، افغانستان تشقی یاردملرگه باغلیق اخرگه چه دوام تارتمیدی شو اوچون دولت کوپ سالیق یغیشیگه مجبور، اون فایز ایچکی ایشلب چیقه ریله دیگن خالص محصولات ایترلی ایمس اون بیش فایزگه کوتاریلسین شو ارقه لی حربی بولیملرده گی تشقی یاردملر کمه سین بو اوزی مالیات تیزمی نینگ یخشی باشقریش و فسادگه قرشی کوره شیش معنی سینی بیره دی."

شونینگ دیک بریتانیا ترقیات اداره سی نینگ بو یوقاری مقامی بریتانیامیزبانلیگی بیلن 2014 ییل اخرلریده افغانستان ده کیلگن اوزگریشلرنی کوریب چقیش مقصدی بیلن بیر کنفرانس یولگه قوییلیشدن خبربیردی.

بریتانیا نینگ خلق ارا ترقیات اداره سی میلادی 2012 – ییل توکیوده بولیب اوتگن یغینده هرییلی 178 میلیون پوند افغانستانگه یاردم بیریشینی وعده بیرگن ایدی. شونگه علاوه معظم جنابلریگه کوره، اوشبو اداره افغانستان اوچون ایریم ریجه لرنی کوزله گن ایکن افغانستان بوریجه لرگه قول تاپگن تقدیرده، هرییلی 22.5 میلیون پوند افغانستان گه هدیه شکلده بیریلیشی قید ایتیلگن،لیکن افغانستان دولتی اوشبو اداره تمانیدن کوزله گن ریجه لرنی عملده جاری ایتیشگه موفق بولمه گن.