خارجی لرنینگ قندهارده گی حربی قرارگاهی انتحارچی لر تمانیدن نشانگه آلیندی

Image copyright BBC World Service

محلی رسمی لرگه کوره محلی وقت بیلن توشدن آلدین ساعت 11ده خودکش کیشی نقلیه واسطه سی توله بولگن پارتلاوچی ماده لری نی آیساف قرارگاهی دیوارگه ایلتیب اورگن. بو واقعه هجومچی لروآیساف کوچلری آره سیده یوزبیرگن توقنه شوو بیلن اوز یکونیگه ییتگن.

قندهار وولایتی حاکمی نینگ سوزچیسی جاوید فیصل بی بی سی گه پارتلش کوچلی بولگنی سبب آوازی ژیری تومنی مرکزیگه هم ایشتیلگنی نی معلوم قیلگن.

شونینگ دیک فیصل جنابلری نینگ ایتیشیچه بو حادثه ده آیساف کوچلری کییمی دن فایده له نیب حربی قرارگاه گه کیریش مقصد قیلگن 9 هجومچی هلاک بولگن.

قندهارحاکمی نینگ سوزچیسی گه کوره بیرینچی هجومچی لردن بیری پارتلاوچی ماده لرجایلشتیریلگن نقلیه واسطه نی دیوارگه اوریب کیین 8هجومی آیساف کوچلری قره ته اوق اوزگن لر.

بو واقعه ده آیساف نینگ بیرعسکری هلاک ایتیلیب و9هجومچی شخص هم اولدیریلگن.

حاضرگچه آیساف کوچلری بو حادثه باره سیده رسمی صورتده هیچ نرسه دیمه گن لر.

قوشنی پاکستان مملکتی بیلن چیگره داش بولگن ژیری تومنی مملکت جنوبی ده جایلشگن قندهارولایتی نینگ خوف لی حدودلریدن حسابلنه دی.

بو پارتلش یوزبیرگن محل ژیری تومینده گی امریکا نینگ ویلسون دیب ناملنگن حربی قرارگاهی بولگن.

طالبان نینگ سوزچی لریدن بیری رسانه لربیلن علاقه قوریب بو هجوم مسوولیتی نی اوزبوین لریگه آلیب خارجی لرگه آغیر تلفات ییتگزگن لرینی معلوم قیلگن .