خارجی لرنینگ قندهارده گی حربی قرارگاهی انتحارچی تمانیدن نشانگه آلیندی

Image copyright BBC World Service

محلی رسمی لرگه کوره، محلی وقت بیلن توشدن آلدین ساعت 11ده انتحارچی بیرشخص پارتلاوچی ماده گه توله بولگن نقلیه واسطه سی نی آیساف کوچلری نینگ قندهارده گی قرارگاهی دیواریگه ایلتیب اورگن.

قندهار وولایتی حاکمی نینگ سوزچیسی جاوید فیصل بی بی سی گه پارتلش کوچلی بولگنی سبب آوازی ژیری تومنی مرکزیگه هم ایشتیلگنی نی معلوم قیلگن.

شونینگ دیک فیصل جنابلری نینگ ایتیشیچه بو حادثه ده فقط هجومچی اوزی هلاک بولگن.

حاضرگچه عملگه آشگن بو هجوم نینگ انیق تفصیلاتی معلوم ایمس و آیساف کوچلری هم بو واقعه خصوصیده گپیرمه گن لر.

قوشنی پاکستان مملکتی بیلن چیگره داش بولگن ژیری تومنی مملکت جنوبی ده جایلشگن قندهارولایتی نینگ خوف لی حدودلریدن حسابلنه دی.

بو پارتلش یوزبیرگن محل ژیری تومینده گی امریکا نینگ ویلسون دیب ناملنگن حربی قرارگاهی بولگن.

طالبان نینگ سوزچی لریدن بیری رسانه لربیلن علاقه قوریب بو هجوم مسوولیتی نی اوزبوین لریگه آلگن.