بلخ ده طالب لرنینگ بیر قوماندانی هلاک ایتیلگن

بلخ ولایتی نینگ پلیس اداره سی سوزچیسی لعل محمد احمدزی نینگ معلوم قیلیشیچه طالب لرنینگ مهم بیر قوماندانی بو ولایت نینگ نهرشاهی تومنیده هلاک ایتیلیب وباشقه ایکی صفداشی هم یره لنگن.

بلخ رسمی لری بوتومنده حربی عملیات یولگه قوییلیب نتیجه ده قوراللی عصیانچی لربیلن پلیس کوچلری آره سیده توقنه شوو یوزبیرگن.

معلومات لرگه کوره یوزبیرگن اوروشده بوتومن نینگ افغانیه تومنیده قوراللی طالب لرنینگ ملا بشیرناملی قوماندانی هلاک ایتیلیب وایکی صف داشی هم تن جراحتی آلگن.

ایکی تمان آره سیده گی توقنه شوو عاقبتیده پلیس کوچلری تلفات کورمه گن.

شمالی بلخ ولایتی رسمی لری گه کوره بو عملیات نی اوتکزیش دن مقصد اهالی گه کیلگوسی سیلاونی خوف سیزلیگی نی تامین لش بولگن.