"کیله جک ایککی ییلده برچه ولایت مرکزلری نوری فایبر بیلن باغلنه دی"

افغانستان مخابرات وزیرلیگی نینگ خبرقیلیشیچه غزنی ولایتی نوری فایبر ترماغی بیلن تامین لندی. بو ترماغ فعال بولیشی بیلن بیش مینگ تیلفون وانترنیت خطی غزنی شهریده گی دولتی اداره لر واهالی اویلرگه ترقه تیله دی.

اما بیر خط تیلفوننی فعال قیلیش اوچون اون مینگ افغانی هزینه کوتاره دی.غزنیده بو پروژه اچیلیشی بیلن زابل و پکتیکا ولایتلری هم نوری فایبر ترماغی بیلن باغلنه دی.

افغانستان مخابرات وزیری امیر سنگین، نوری فایبر ترماغی نینگ عزنی ولایتیده ایشگه توشیریلگنینی غزنی اهالیسی بیلن علاقه قوریب قندی ایشله گنینی سینب کوردی.

بو تیزم فعالیتی بیلن مخابرات وزیرلیگی رهبریتی استیده بیش مینگ تیلفون و انترنیت خطی ترقه تیلیشی ممکن. افغانستان مخابرات وزیری امیرزی سنگین بوحقده شوندی دیدی:"نوری فایبر پروژه سی وبیش مینگ دیجیتال لینی دی اس ال ارقه لی انترنیت خذمتیدن فایده له نیش تیزمی بوگون غزنی ولایتیده رسمن ایشگه توشیریلدی. بیز بوکبی خذمت لرنی کیتیریشگه سعی قیله میز."

مسوول کیشیلرگه کوره، بو ریجه نی عملی قیلیشیگه قوراللی عصیانچیلر جدی مخالفت بیلدیرگن وبیرقنچه ایشچیلرهم اوز جانلرینی قولدن بیرگنلر، مخابرات وزیری امیرزی سنگین گه کوره شوندی تهدید لر موجودبولگنده هم غزنی ولایتی ایککی جهت دن نوری فایبر بیلن باغلنگن:"باشقه بیر خوش خبرشوکی غزنی ولایتی ایککی جهت دن نوری فایبر بیلن باغلندی بولایت پکتیا و پکتیکا ارقه لی هم کابل بیلن باغلنگن. بو یخشی بیر قدم."

جوزجان ولایتی مخابرات ریاستی نینگ اداری مسوولی محمد اشرف متین جوزجان ولایتی بوندن اوچ ییل الدین نوری فایبرترماغی بیلن باغلنگنینی ایتیب افغان تلی کام وباشقه خصوصی شرکت لر بو تیزم دن فایده له نیب کیله یاتگنینی ایتدی. عینی حالده او کیله جک قویاش ییلدن باشلب دولتی اداره لراویلرگه تیلفون و انترنیت خط لری ترقه تیلیشینی تیلگه الدی.

شونینگ دیک فاریاب مرکزیده هم نوری فایبر فعال بولگن، ایریم دولتی اداره لرنی بو تیزم بیلن باغلش اوچون عملی ایشلر باشلگنیی ایتیلماقده. همده میمنه ده اویلرگه انترنیت خذمتینی یتکزیب بیریش اوچون هم سروی ایشلر عملی بولگن. شونینگدیک شمال شرقی تخار ولایت مرکزینی هم نوری فایبر بیلن تامینله ش اوچون عملی ایشلر باشلنگنی ایتیله دی.

نوری فایبر ترماغی دولتی افغان تلی کام ناملی شرکت ارقه لی خذمت کورسه ته دی افغانستان پایتختی کابل داخل اون التی ولایت نینگ مرکزی نوری فایبر بیلن باغلنگن. افغانستان مخابرات وززیرلیگی گه کوره کیله جک ایککی ییلده برچه ولایت لر مرکزی نوری فایبر بیلن تامینله نیشی ممکن، همده بوریجه بوتونلی عملی بولیشی بیلن یوزملیون دالردن ارتیق هزینه کوتاریشی تخمین ایتیلگن.بوندن ایککی کون الدین مخابرات وزیرلیگی افغان تیلی کام آرقه لی یتکیزیله دیگن انترنیت قیمتی اوتیز فایز آزیگنینی اعلان قیلگن ایدی.