لغمانده والیبال اوینب تورگن یاشلر قوراللی لرتمانیدن نشانگه آلینگن

Image copyright BBC World Service

لغمان ولایتی نینگ علینگار تومنیده والیبال اوینب تورگن بیرقطار یاشلر ناانیق قوراللی لرتمانیدن نشانگه آلینیب اولردن بیش ته سی قربان بولگن، بوحادثه علینگار تومنی نینگ صخره ناملی قیشلاغیده یوزبیرگن.

لغمان ولایتی نینگ ولایت حاکمی سوزچیسی سرحدی زواک بی بی سی بیلن بولگن صحبتیده مذکور حادثه بوگون ایرته لب محلی وقت بیلن ساعتی یتتی اطرافیده یوزبیرگنینی معلوم قیلگن.

هرچند زواک جنابلری والیبال اونب تورگن یاشلر انیق کیم تمانیدن نشانگه آلینگنی باره سیده هیچ نرسه ایتمی، حادثه نی قوراللی عصیانچیلرگه نسبت بیردی.

حاضرگه قدر مذکور حادثه مسوولیتینی هیچ بیر گروه یاشخص اوزبونیگه آلمه گن.

علینگار تومنی لغمان مرکزی یقنیده جایلشگن بولیب بو تومن نینگ ایریم حدودلریده طالبان عصیانچیلری انچه فعال بولگنی ایتیله دی.