امریکا کنگریسی افغانستان اوچون بیره دیگن ملکی یاردملرینی 50 فایز کمیتیردی

Image copyright Reuters

امریکا کنگره سی افغانستان نینگ ناحربی بولیملریده بیره دیگن یاردملرینی اوتگن ییلگه قره گنده 50 فایز کمیتیرگن، جاری میلادی ییل افغانستان ترقیات برنامه لری اوچون 1.12 میلیارد دالر یاردم ایتیلیشی امریکا کنگریسی تمانیدن تصدیق لندی.

باراک اوباما دولتی افغانستان ترقیات برنامه لری اوچون 2.19 میلیارد دالر نی امریکا کنگریسی دن طلب قیلگن ایدی، اما بو طلبنی یریمی کنگریس تمانیدن تصدیق لندی.

اما آق اوی ملازملری ، یادملرنی باشقه یوللر ارقه لی کوپیتیریش سعی بوله یاتگنیدن خبربیرگن.

مقاملرنینگ ایتیشلریچه، اوتگن ییل عینی بولیمده اجره تیلیب صرف ایتیلمه گن مبلغ لردن فایده له نیشی ممکن لیگی کوریب چیقیلماقده ایکن.

اوز اسمینی ایتشینی ایستهمه گن امریکا نینگ خلق ارا ترقیات اداره سی مقاملریدن بیری رویترز گه شوندی دیگن:" امریکا نینگ افغانستان ترقیات بولیملریده گی بودجه سی کمیتیریلگن ، اما مقداری قنچه بولیشی انیق لنمه گن، بیز کیله جک آییلرده افغانستان اوچون بیره دیگن مالی یاردملری میزنی نهای قیلیب کورسه تیشیمیز ممکن."

امریکا نینگ خلق ارا ترقیات اداره سی و تشقی ایشلر وزیرلیگی 1.67 میلیارد دالر افغانستان ترقیات برنامه لری اوچون یاردم بولیشینی طلب قیلگن ایدی.

میلادی 2012- ییل توکیوده بولیب اوتگن انجمنده امریکا قوشمه ایالتلری هرییلی قریب 2 میلیارد دالر افغانستان ترقیات برنامه لری اوچون یاردم قیلیشینی وعده بیرگن ایدی. همده هرییلی امریکا دولتی تورت ملیارد دالر افغانستان نینگ حربی بولمیده یاردم بیره دی.

بوندن بیرقنچه مدت آلدین امریکا سناتورلریدن بیری کارل لیون حامدکرزی بیلن اوتکزگن ملاقاتیده امریکا یاردمی نینگ دوامی امنیتی پیمان امضاله نیشگه باغلیق ایکنینی تاکید له گن ایدی.