فاریاب ولایتی نینگ قیصار تومنیده 6پلیس هلاک بولگن

طالبان گروهی اوتکن آقشام قیصار تومنی نینگ دوآبی منطقه سیده یول امنیتی نی تامین لاوچی پلیس پوسته لریگه هجوم قیلیب عاقبتیده 6پلیس نی هلاک قیلگن لر. قیصار تومنی نینگ حاکمی عبدالجمیل صدیقی اوتکن آقشام قورالی طالب لر پلیس پوسته لریگه هجوقیلگن لرینی ایتیب اوشبو واقعه ده 6پلیس هلاک بولیب وباشقه 2کیشی هم یره لنگنی نی تیل آلدی. صدیقی طالبان گروهی گه هم آغیر تلفات ییتگنینی اورغولب، تنیقلی قوماندانلری هم هلاک بولگن دیدی. صدیقی جنابلری حاضر منطقه نینگ تینچلیک وضعیتی یخشی بولگنینی ایتیب، امنیت تامین ایتیلگن لیگینی معلوم قیله دی. عین پیتده ایریم قیصاریشاوچی لری بوتومنده امنیت بوزیلگن لیگی دن شکایت بیلدیرماقده لر. حاکم اوروش کیچه بیرده باشله نیب بیرنیچه ساعت دوام تارتگنلیگینی ایته دی. شونینگدیک فاریاب ولایت کینگاشی منشی سی سیدعبدالباقی هاشمی پوسته ده گی پلیس لراوق لری توگه گونچه اوریشیب یاردم طلب قیلسه لرهم اولرگه تومن مرکزیدن هیچ قندی کمک یتمه گنی سبب هلاک بولگنلردیدی. هاشمی جنابلری تینا ون قیصارتومنی نینگ نهرین منطقه سیده طالبان گروهی بیرنیچه ساعت موتر لرنی توخته تیب، تینچ اهالینی آزار بیرگن لیک لرینی معلوم قیله دی. هاشمی جنابلری هلیگچه دولت دن قیصارتومنی نینگ امنیت نی یخشی لش اوچون هیچ قندی پالکلش عملیات نی یولگه تشله مگنلیگی اوچون تنقید قیله دی. شونینگ دیک قیصارتومنی نینگ ایریم یشاوچی لری خوفسیزلیک وضعیتی بوزیلگن لیگیدن خواطرده ایکن لیک لرینی ایتماقده لر. قورالی طالب لربوحقده هیچ نرسه دیمه گنلر. قیصار تومنی سونگی وقت لرده قطار ناتینچ لیک لرگه سبب بولیب کیلماقده. باشقه بیرخبرگه کوره فاریاب ولایتی نینگ پشتونکوت تومنیده گاز بالونی پارتلشی سبب بیرعایله نینگ ایکی عضوی هلاک بولیب باشقه 8کیشی سی هم کویگن .پشتونکوت حاکمی بوواقعه جمعه کونی کته قلعه منطقه سی ده یوزبیرگن لیگینی معلوم قیله دی. بوواقعه ده بیرعیال بیرباله هلاک بولیب، وباشقه ایکی باله تورت عیال داخل 8کیشی کویگن.

کویگن کیشی لر میمنه کسل خانه سیگه آلیب کیلینگن لر دکترلرگه کوره صحی وضعیت لری آغیر بولگن. پشتونکوت حاکمی گه کوره گاز بالونی نلی دن سیزیب چیقه دیگن گاز آچیق قالیب، توررده دیگن اتاققه ترقلگن کیین عایله اعضالریدن بیری گوگرد چاقیب بوواقعه گه سبب بولگن . بوندن بیرنیچه آی آلدین فاریاب بیلیم یورتی نینگ یاتاخانه سیده هم عیناً گازبالونی پارتله شی سبب ایکی کیشی اولیب باشقه 15کیشی یره لنگن ایدی.