پشتون کوت امنیه قومندانی طالبان گروهی نینگ پستیرمه سیدن امان قالدی

Image copyright bbcuzbek

فاریاب ولایتی نینگ پشتونکوت تومن پلیس باشلیغی نجیب الله قومندان، کته قلعه قیشلاغیدن قیتگن بیرپیت میمنه شهری نینگ 10کیلومترلیگده موتری ماین بیلن دوچ کیلگن. اوشبو واقعه ده پشتونکوت امنیه قومندانی نینگ ایکی قوریقچیسی جراحت آلگن.

پشتونکوت حاکمی بی بی سی بیلن بولگن صحبتیده ماین پارتله گندن سونگ منطقه ده طالبان گروهی بیلن قومندان عسکرلری اره سیده اوروش یوزبیرگنینی معلوم قیلدی. حاکم گه کوره ، اوروش عاقبتیده بیرطالب اولیب، وینه بیرته سی هم اوشلب آلینگن.

معلومات لرگه کوره، پشتونکوت امنیه قومندانی کته قلعه قیشلاغیده یوزه گه چیقن قومی جنجللرنی حل قیلیش اوچون بارگن ایکن.

فاریاب سونگی پیت لرده قطار ناتینچ لیک لر شاهدی بولیب کیلماقده اوتکن کون هم مذکور ولایت قیصار تومنیده طالبان گروهی یول امنیتینی تامین لاوچی پلیس پوسته لریدن بیرگه هجوم قیلیب 6پلیس نی هلاک قیلگن ایدی.

فاریاب ولایتی نینگ شیرین تگاب تومنیده طالبان گروهی بیراوی اوستیگه راکت آچگن لر. شیرن تگاب تومن حاکمی سیدلقمان گهریک راکت اوقلری فرهاد قیشلاغی قیته قوریش رییسی میرهاشم اویگه کیلیب توشگنینی ایتیب حادثه ده آلتی عیال یره لنگنینی معلوم قیلدی.

بوحادثه دن کیین حاکم نینگ ایتیشیچه اوینی راکت اوقلری بیلن نشانگه آلگن طالبان عصیانچیلری و پلیس کوچلری اره سیده توقنه شوولر باشله نیب کیتگن نتیجه ده بیر طالب هلاک بولیب وباشقه لری منطقه دن قاچیب کیتگنلر.فاریاب ولایتی بیرنیچه کون ایچیده ایریم ناتینچ لیک لرشاهدی بولیب کیلماقده