فیفا تشکیلاتی: بیرقطا عیال نامزدلر تهدید وتبعیض لر بیلن روپه ره بولگن

Image copyright
Image caption فیفا تشکیلاتی افغانستان نینگ 34 ولایتیده 272 عیال نامزدلری بیلن آلیب باریلگن صحبت اساسیده بو حسابات نی تیارله گن.

ایرکین سیلاولرنی حمایت ایتوچی فیفا ناملی تشکیلات ینگی بیر حسابات ترقه تیب، ولایتی کینگش سیلاوی اوچون اوزلرینی نامزد قیلگن عیاللردن بیرقنچه سی رویخط گه آلیش دستوری دوامیده امنیتی تهدید و تبعیض بیلن یوزمه یوز بولگنینی معلوم قیلگن.

فیفا تشکیلاتی افغانستان نینگ 34 ولایتیده 272 عیال نامزدلری بیلن آلیب باریلگن صحبت اساسیده بو حسابات نی تیارله گن.

فیفا تشکیلاتی نینگ عیاللر بویچه مسوولی خانم مرضیه فراز کابلده اوتکزگن مطبوعات انجمنیده بوحقده شوندی دیدی:"صحبت بولگن 272 عیال دن 67 ته سی امنیتی تهدید بیلن یوزمه یوزبولگن جنوبی و شرقی ولایت لرده اوزلرینی نامزد قیلگن عیاللر کوپراق عصیانچیلرتمانیدن تهدید بولگنینی ایتگنلر.شمالی وغربی ولایت لرده ایرکک نامزدلرتمانیدن عیال نامزدلری تهدید بولگن لر،شونینگ دیک مسجد امام لری، قوم باشلیغ لری ومذهبی شخصلر عیال نامزدلریگه قرشی تبعیض کورسه تگن لری ایتیلگن.همده صحبت بیرگن عیال نامزدلردن ایریم لری مستقل سیلاولر کمیسیون تمانیدن هم تبعیض کورسه تیلگنی باره سیده شکایت قیلیشگن."

عینی حالده ایرکین سیلاولرنی حمایت ایتوچی فیفا تشکیلات مسووللری، عیال نامزدلر امنیتی نی تامین لش اوچون ایچکی ایشلر وزیرلیگی تمانیدن جدی چاره تدبیر کوریلیشی کیر ک لیگینی تاکید له دیلر. همده مسوول کیشی لر مسجد امام لری نینگ عیال نامزدلریگه قرشی تبلیغ لر آلدی الینیشی نی حج اوقاف وزیرلیگیدن سوره دیلر.

شونینگ دیک عیال نامزدلری سیلاولر مستقل کیمسیون نینگ ایریم ایش لایحه لریدن راضی لیک بیلدیرگنی هم اوشبو حساباتده قید ایتیلگن.

سیلاولر مستقل کمیسیون اعضالریدن خانم شریفه زرمتی فیفا تمانیدن نشرایتیلگن حساباتنی تن آلیب عیال نامزدلرو سیلاولرده اشتراک ایته دیگن عیاللر امنیتی نی تامین لش اوچون چاره تدبیر کوریلیشینی افغانستان امنیتی کوچلریدن طلب قیلدی.

کیله جک ولایتی کنیگش سیلاو اوچون اوچ مینگ کیشی اوزلرینی نامزد قیلگن بوجمله دن 334 ته سی عیال .

جمهوررییسلیک وولایتی کینگش سیلاولر کیله جک قویاش ییل حمل آی نینگ 16 – سیده بولیب اوتیشی ریجه لشتیریلگن.