"اداری فسادده نفوذلی و دولت خادملرنینگ قولی بار"

Image copyright
Image caption عالی تحصیل وزیرلیگی گه تیگیشلی دیپلوم ترقه تیش و سیناو بولیم لریده هم کینگ کولمده فساد موجودلیگی معلوم قیلینگن.

اداری فسادگه قرشی کوره شیش برنامه لرینی تیکشیروچی قوشمه مستقل کمیسیونی نینگ ینگی حساباتیده افغانستان نینگ اوچ وزیرلیگی بیر مستقل اداره سیده کینگ کولمده فساد موجودلیگی باعث اهالی کتته ضرر کورگنی اورغولنگن. عین حالده دولت نینگ یوقاری مرتبه لی خادملری و نفوذلی شخصلر فسادگه قولی بارلیکده عیبلنگن.

شونینگ دیک بو اداره مسووللری تحقیقات نتیجه سینی تیگشیلی اداره لربیلن اورته گه قویگنینی تیلگه آلیب قیینچیلیک برطرف ایتیلمه سه تیگیشلی اداره لرنی عدلی وقضای اداره لرده ته نشتیریلیشی ممکن لیگی بیلن آگاه لنتیردی.

اداری فسادگه قرشی کوره شیش برنامه لرینی تیکشیروچی قوشمه کمیسیون بیرییل جریانیده اوتگزگن تحقیقات نتیجه سیده بو حساباتنی تیارله گن. شومدت جریانیده افغانستان قاچقینلر وزیرلیگیگه تیگیلشی نمره ترقه تیش ریجه سی، همده ایش واجتماعی وزیرلیگیگه باغلیق تقاعدلر ریاستی ایشلری کوریب چیقیلگن. همده عالی تحصیل وزیرلیگی نینگ سینا و دیپلوم ترقه تیش برنامه لری و اداری اصلاحات ایشلری هم تیکشیریلگن. نشر ایتیلگن حساباتده یازیلیشیچه اولکه گه قیتگن قاچقینلر اوچون نمره ترقه تیش ریجه لریده کینگ کولمده فساد موجود بولگنی اورغولنگن. حقلی کیشیلرگه نمره ترقه تیلمه گنی پاره آلیش و واسطه چیلیک موجود فساد لردن بیرقسمی بولگنی قید ایتیلگن، قوشمه تیکشیرو کمیسیون اعضالریدن محمد یاسین عثمانی قاچقینلر اوچون اجره تیلگن شهرچه لر ییر غاصب لری تمانیدن تارتیب آلگنینی اورغوله دی:"ایریم ظالم غاصب لر حتی کی ایچکی قاچیقنلر اولکه قیتگن مهاجرگه رحم قیلمه گن، اولر اوچون اجره تیلگن ییرلرنی تورلی یوللر ارقه لی امکانی باریچه غصب ایته دیلر."

لیکن بوعثمانی جنابلری قانون چیکلاوی باعث اولر اسمینی فاش ایته آلمسلیگینی ایتدی. شونینگ دیک عالی تحصیل وزیرلیگی گه تیگیشلی دیپلوم ترقه تیش و سیناو بولیم لریده هم کینگ کولمده فساد موجودلیگی معلوم قیلینگن.

حساباتده یازیلیشیچه تحصلی حجت آلیش اوچون مراجعه قیلگن شخصلر قانونی حقلریدن بهره مند بولمیدی بو نی اوزی هم فسادگه زمینه یره تیب بیرگن. اداری فسادگه قرشی کوره شیش تیکشیروچی قوشمه کمیته اعضالریدن باشقه بیرکیشی داکتر نواب ترابی بوحقده شوندی دیدی:"هرییلی یوزلب طلبه لر سیناو اوتکزه دی، اما بوخصوصده قطار تشویش وتینگ سیزلیک لر موجود، یعنی حکومت نینگ یوقاری مرتبه لی آدملری باشقه نفوذلی شخصلر بوجریانده اره له شه دیلر. شونینگ دیک عالی بیلیم یورت استاذلریگه باسیم اوتکزیب طلبه لر نمره لرینی کوپه یتیرردیب ایته دی. بونی اوزی هم فسادگه زمینه یره تیب بیره دی."

شونینگ دیک تقاعدگه چیققن شخصلر تیزلیکده حقوقلرینی قولگه کیریته آلمه یاتگنی حساباتده تاکیدله نیب بو مساله هم فسادگه زمینه یرتگنی تاکیدلنگن. عینی حالده اداری اصلاحات ناملی مستقل اداره ده ایریم ایجابی اوزگریش لر کیلگنی اورغوله نیب بیراق دولتی اداره لرده وظیفه لنتیریش پروسه سیده فساد موجودلیگی اورغولنگن.ولایت حاکملریدن تشقری برچه دولت خادملری اداری اصلاحات کمیسیونی تمانیدن ایشگه آلینه دی.

اداری فسادگه قرشی کوره شیش تیکشیرو کمیته مسووللریگه کوره، اوچ وزیرلیک و بیر مستقل اداره رهبرلری فساد و کمچیلیک لر موجودلیگینی تن آلیب اصلاحات الیب کیلیش وعده سینی بیرگن تیکشیروی کیمته رئیسی دراگاو کاس بوخصوصدده عملی ایشلر باشلنمه سه جدی مناسبت بیلدیریلیشی بیلن آگاه لنتیردی:"هه موسسه لر بو گزارش حقیده بیله دیلر اولر بو حساباتگه موافق وعملی ایشلرنی هم ایشلب تیارله گن لر، بعضی حالت لرده بیز بو اداره لر ایشلرینی ینه کوریب چیقه میز یعنی بیز ایتگن گپلرگه قنچه لیک بها بیرگن لر، اگر اعتبار قره تیلگن بولمه سه بیرینچی موضوعنی فاش ایته میز کینچه لیک حساباتنی پارلما ن و حکومت گه تاپشیره میز ایریملرینی هم قاره لاوچیلیک اداره سیگه تانشتیره میز."

اداری فسادگه قرشی کوره شیش تیکشیرو کمیته سی بوندن تشقری کیله جکده دولت نینگ باشقه اداره لری وییریک برنامه لر خصوصیده شوندی تحقیقات اوتکزیشینی معلوم قیلدی. بواداره میلادی 2010 – ییل لندن ده بولیب اوتگن انجمندن کیین تشکیل ایتیلدی . اداری فسادگه عاید شوندی تیکشیرولر بوندن الدین لرهم ایریم خلق ارا تشکیلات لر تمانیدن اوتکزیلیب فسادگه قرشی جدی کوره شیش کیره کلیگی تاکیدلنگن. لیکن شونده ی بولسه هم افغانستان فسادگه باتگن مملکت لر باشیده تورگن.