فاریاب قماقخانه سیده اونلب محبوس یره لنگنی ادعا قیلینماقده

Image copyright bbc
Image caption فاریاب حاکمی محمد الله بتاش بوادعالرنی رد ایتیب، فقط ایکی کیشی یره لنگن لیگینی معلوم قیله دی.

بوگون فاریاب ولایتی نینگ قماقخانه سیده گی ناقرارلیک لرده 20گه یقین کیشی تن جراحتی آلگنی اییتله دی. فاریاب قماقخانه سیده دولت مخالف لری بیلن همکارلیک قیلیش عیبی ده اوشلنگن کیشی لردن ملا دین محمد قماقخانه دن تیلفون آرقه لی قماقخانه مسووللری 20کیشینی اوق آرقلی یره لنتیرگن لیک لرینی معلوم قیله دی. شونینگدیک دین محمد جنابلری قماقده گی40کیشینی پلیس کلتکلب یره لنتیریلگن دیدی. او نینگ ایتیشیچه اوشبو وضعیت قماقخانه آمرینی وظیفه سیدن برطرف ایتیش طلبی دن سونگ یوزگه چیققن. ملادین محمد قماقخانه باشلیغی باشقه کیشی تعیین ایتیلمه گونچه بیزلراعتصابیمیزگه دوام بیره میزدیدی. باشقه تماندن تصدیقلنمه گن خبرلرگه کوره قماقخانه ده ایکی کیشی هم هلاک ایتیلگن.

قماقخانه سیاسی لر بیلن جنایی قماقده گی لر اوروش گن لیک لری هم ایتیلماقده.

سیاسی قماقده گی لر قماقخانه آمرینی چیتلنتیریلیشی نی طلب قیلسه لر جنایی قماقده گی لرایسه اونینگ قالیشینی طلب قیله یاتکن لیک لری ایتیلماقده.

لیکن بو ولایت رسمیلری بوخبرنی ردایتماقده لر. فاریاب حاکمی محمد الله بتاش بوادعالرنی رد ایتیب، فقط ایکی کیشی یره لنگن لیگینی معلوم قیله دی.

حاکم جنایی محبوس لر بیلن سیاسی قماقده گی لر بیرییرده بولگنی سبب اوشبواورش لریوزگه چیققن دیدی.

فاریاب ولایتی نینگ حاکمی حاضر وضعیت یخشی لشگنینی ایتماقده. لیکن قماقخانه ده گی لرحاضر هم اولراعتصاب لری گه دوام ایتدیره یاتگن لرینی ایته دیلر. فاریاب قماخانه سیده حاضر 800کیشی جنایی وسیاسی کیشی قماققه سقلنماقده.