فتح الله گلن 16 ییلده ایلک باربی بی سی بیلن صحبت قیلدی

امریکاده یشه یدیگن کوچلی تاثیرگه ایگه ترکیه لیک فتح الله گلن تورکیه ده گی پلیس وباش قاره لاوچی لرگه تورکیه حکومتی نینگ یوقاری مرتبه لی ملازملری فسادگه گه باتگنینی تیکشیره یاتگن جریانگه هیچ قنده ی تاثیرکورستمه گنینی ایتگن.

امریکاده اوزیچه هجرتده یشه یاتگن فتح الله گلن اقتدارده گی «عدالت وترقیات» حزبی نینگ عینی تیکشیرولرگه نسبتأ مناسبتینی نادیموکراتیک قدم دیب ایتگن.

اسلامی «خذمت» دیب ناملنگن حرکت ییتکچیسی جناب گلن آخرگی 16 ییل مابینیده ایلک بار تلویزیون صحبتنی بی بی سی گه بیرگن.

فتح الله گلن: اولر آدملرنی بیزنینگ حرکتیمیز اولکن، دییه قورقتماقچیلر. اولر«خذمت» گه خیرخواه بولگن «عدالت وترقیات» حزبی نینگ طرفدارلریدن خلاص بولماقچیلر. گمانیم شوکه، اولرفساد حاللرینی تیکشیریشلریدن اوزلری نینگ بیزنینگ حرکتمیزدن خفه ایکنلیکلرینی کورستماقچیلر. بلکیم بوحرکتلرگه قول اوره یاتگنلر کیله جکده بوندن افسوس لنرلر. اوتمیشده هم شونده ی ایشلربولگندی، کیین یوزگه یقین انسان الکترون مکتوب یوللب «بیزنینگ قیلمیشلریمیزنی کیچیرینگ، سیزگه ناحقلیک قیلدیک» بیزنینگ قیلمیشمیزنی کیچیرینگ، سیزگه ناحقلیک قیلدیک»، دیب یازیشگندی. حربیلرقدرتده بولگن ییللریده هم شونده ی ایشلربولگندی. تاریخ اوزینی قیترماقده، بوقیلمیشلروخطالر، اینیقسه یقین اوتمیشده گی حالتلرقیته ریلماقده. بوگونگی قیلمیشلریدن افسوس چیکوچی انسانلربولیشی بیلن بیرگه، اوزی ایتگن سوزلرینی قیته ریب آلیش یاکه اوزگرتیریشگه حرکت قیله دیگنلرهم بوله دی.

Image copyright Reuters
Image caption فتح الله گلن نینگ امریکا ده کی اویی.

بی بی سی: تورکیه حکومتی نینگ آخرگی حرکت وقدملرینی قنده ی بهاله یسسیز؟

فتح الله گلن: بوگونگی کونده تورکیه حکومتی نینگ بیزنینگ حرکتمیزگه قرشی حرکتلری تورکیه نینگ اوزیگه هم ضررییتکیزماقده، دیب ایشانه من. بوحرکتلر امریکا واروپا اتفاقی نینگ تورکیه حقیده گی تصورلریگه سلبی تاثیر کورسته دی. چونکه حکومت نینگ بوحرکتلری- عکسی دیموکراتیک دیر. چونکه حکومت نینگ بوحرکتی قانونگه ضددیر. بونی حاضردییرلی همه ایتیپتی. وضعیتنی اوزگرتیریش ممکن می؟ همه نرسه نی قیته یولگه سالیش ممکن می؟ بوعقل وعدالتلی بولیشیگه باغلیق. مینینگ ساغلیغیم یخشی ایمسلیلگی طفیلی، حاضرگی شرایطده حرکتنی حمایه قیلیش اوچون بیران نرسه دیگنیم یوق. وبوباره ده سکوت سقلشگه صادق قیلماقچی من.

Image caption فتح الله گلن نینگ ایش خانه سی

بی بی سی: تورکیه ده گی بعضیلرسیزدن فرمایشلر آله یاتگن لیکلری حقیده گپیرشه دی؟

فتح الله گلن: بوآدملرمیندن تاپشیرق آلمه یدیلر. تورکیه نینگ قیسی بورچیده، قیسی شهریده بولمه سین، حکومت فساد گه قرشی عمل قیله باشله گن پلیس خادملری، سارانوالروحکملرگه قرشی حرکت قیله باشله دی. اولرنی اولاقتیریب تشله دیلر. اول هم شونده ی ایشلرنی قیلگندیلر. حکومت عمللرینی تیکشیرقاقچی بولگن انسانلرنی حکومت نینگ اوزی تعین له گن. ینگی تعین لنگنلربیران نرسه قیلماقچی بولسه لر، مین ایشانه من که، حکومت اولرنی شووقتده اوزگرتیریشگه حرکت قیله دی. حاضرده روی بیره یاتگن نرسه لربوزغونچیلیک. بونینگ مینگه هیچ قنده ی علاقه سی یوق. اولا ایتگنیمدیک، مین تیکشیرولرنی آلیب بیره یاتگنلرنینگ مینگدن بیرینی هم تنیمیمن. بونی مین تولیق ایشانچ بیلن ایته آله من.

Image copyright BBC World Service
Image caption گلن نینگ یاتاق خانه سی بنا گه قره گنده جوده کیچیک.

بی بی سی: تورکیه ده گی بیران حزب بیلن «خذمت» نینگ یقین علاقه سی یاکه طرف کش لیگی بارمی؟

فتح الله گلن: بیزهیچ قچان بیران معین حزب بیلن اتفاقداش بولمه گن میز. قنده ی حزب بولیشی قطعی نظر. بونرسه ملیتچی حزب گه هم، خلق جمهورلیگی حزب، «عدالت وترقیات پارتی»، اونگ قنات و ANAP حزب لریگه هم تعلقلی. بونینگ اورنیگه بیزبوحزبلرنینگ قیله یاتگن توغری ایشلرینی قوللب- قوتلشنی اوزانسانی بورچیمیزدیب بیله میز.