سپنتا : سرتاج عزیز سوزلری آچیق اره له شیش نی کورسه ته دی

Image copyright .

افغانستان ملی امنیت مصلحت چیسی رنگین دادفر پسنتا پاکستان باش وزیری نینگ امنیت بویچه مصلحت چیسی سرتاج عزیزسوزلرینی قتیق قاره لب افغانستان ایشلریگه اچیق اره له شیش دیه فکربیلدیردی.

پاکستان باش وزیری نینگ امنیت بویچه مصلحت چیسی سرتاج عزیز اوتگن کون واشنگتن ده ایراد ایتگن سوزلریده صلح جریانینی عملده جاری ایتیش اوچون یخشی فرصت لر موجودلیگینی تیلگه آلیب ینگی حکومت اورته گه کیلیشی بیلن صلح مذاکره لری قیته دن باشلنیشی ممکن لیگینی ایتگن ایدی.

عزیز جنابلریگه کوره، افغانستانده سیلاولر بولیب اوتگنیدن سونگ ینگی قدرت گه کیله دیگن حکومت بیلن طالبان مذاکره قیلیش اوچون کوپراق رغبت کورسه تیشی ممکن.

افغانستان ملی امنیت مصلحتچیسی سپنتا بوگون کابلده خبرنگار لربیلن اوچره شیب سرتاج عزیزنینگ بو سوزلرینی قتیق قارلب شوندی دیدی:" سرتاج عزیز سوزلریگه قره گنده پاکستان اوتمیشلردیک افغانستان مسا له لریگه اره له شیشنی ایستیدی، پاکستان صلح مذاکره لری باشله نیشی اوچون گروگه آلگن شخصلرگه ایزین بیرسین."

سپنتا جنابلری نینگ ایتیشیچه ایریملر مذاکره گه کیریشگه تیار ، اما پاکستان اولرگه ایزین بیرمیدی.

لیکن او، کیملرمذاکره لرگه راضیلیک بیلدیرگنی خصوصیده هیچ نرسه ایتمه دی .

شونینگ دیک افغانستان ملی امنیت مصلحت چیسی، صلح جریانی اوچون پاکستان نینگ جدی همکارلیک قیلیشی گه امید بیلدیردی.

عینی حالده سپنتا جنابلری امریکا بیلن امنیتی پیمان امضاله نیشی افغانستان ترقیاتی اوچون مهم بولگنینی تیلگه آلیب ، اما کیره کلی ضمانت لر بیریلمه گن تقدیرده افغانستان حکومتی بو پیماننی امضالمسلیگی ممکن لیگینی ایتدی.

او ایسه امنیتی پیمان باره سیده گی مذاکره لر توخته تیلمه گنینی ایتیب شوندی فکربیلدیردی:" امریکا قینچلیک لر نیمه بولگنینی اچیق لب بیرسین کیم لر توسیق بولماقده."همده او، مذاکره لر جدی دوام تارتیب کیله یاتگنینی اورغولب قینچلیک لر اچیق لنگن تقدیرده ، سیلاولر دن الدین امنیتی پیمان امضاله نیشی ممکن لیگینی ایتدی.