سیلاو کمپاین ترغیبات ایککنیچی کونیده ایککی نامزد نینگ یغینی

سیلاو آلدی تبلیغی برنامه لرنینگ رسمی شکلده باشله نیشیدن ایککی کون اوترایکن، جمهوررییسلیک نامزدلریدن زلمی رسول و قطب الدین هلال پایتخت کابلده طرفدارلری اشتراک بیلن اویوشتیریلگن یغینلرده برنامه لری حقیده معلومات بیردیلر.

سیلاو آلدی تبلیغی برنامه لرنینگ رسمی شکلده باشله نیشدن قریب 48 ساعت اوتگنده جمهوررییسلیک سیلاو نامزدلری نینگ تبلیغی برنامه لری شدت بیلن یولگه قوییلیب کیلنماقده.

کیله جک جمهوررییسلیککه نامزد زلمی رسول لویه جرگه تالاریده طرفدارلری اشتراکی بیلن اویوشتیریلگن یغینده اوز برنامه لرینی اچیق لب بیردی. رسول جنابلری، تینچلیک نی مستحکم لش اوچون جدی سعی قیلیشینی ایتدی همده او، اداری فسادگه قرشی کوره شیش برنامه لریدن باشقه بیری بولگنینی تیلگه الدی،شونگه قوشیمچه زلمی رسول کیله جک سیلاوده غلبه قازانگن تقدیرده حکومت نینگ یریمی نی یاشلر و عیاللردن تشکیل بیریش وعده سی نی بیردی:"بوکونگی افغانستان و کیله جک افغانستاننی توزه تیش اوچون یاشلر کوچی گه باوریم بار، شوییرده وعده بیره من اگر کیله جک سیلاوده غلبه قازانسم حکومت نینگ یللیک فایزینی یاشلر و عیاللرتشکیل بیره دی:"

نامزدلردن باشقه بیری قطب الدین هلال بوگون کابلده گی هوتللردن بیریده اوز طرفدارلری حضوریگه سوزگه چیقیب برنامه لری حقیده معلومات بیردی او جاری حکومت نینگ قتیق قاره لب ، اسلام اساس لریگه ماس عیاللرگه حق لرینی تامین ایتیشگه سعی قیلیشینی ایتدی . عینی حالده او یخشی بیر حکومت اورته تیلیشی اوچون اسلام اصوللریدن قوله نیشینی تیلگه آلدی امنیت نینگ تامین لش هم برنامه لری نینگ اساسی قسمی بولگنینی اورغوله دی. هلال جنابلری گلب دین حکمتیار باشچیلیغیده گی سلامی حزب حمایت دن بهره مند ایکنینی اظهارایتدی:"بیرنرسه نی اچیق ایتیشیم کیره ک رسانه لر و مردم هم میندن سوریدیلر. بویغینده ایته من کی گلب الدین حکمتیار باشلیغیده گی حزب اعضاسی من بونی هم ایتیشیم لازم افغانستان فقط بیر اسلامی حزب بار و خلاص.

اوتگن کون عبدالله عبدالله، اشرف غنی احمدزی، هدایت امین ارسلا، گل آغاشیرزی، قیوم کرزی ، نادرنعیم و داوود سلطان زوی کابلده یغین اویوشتیریب برنامه لری حقیده معلومات بیریشگن ایدی. نامزدلرتمانیدن اویوشتیریلگن بوکبی یغین لر ایریم محلی تلویزیون لر ارقه لی جانلی روشده نشر ایتیلدی.

شونینگ دیک تبلیغی برنامه لری وکیله جک سیاست لری حقیده گی قیسقه معلومات لری هم تلویزیون لر دن نشراتیلیب کیلینماقده. کیله جکده هم ایریم نامزدلرتمانیدن شوندی یغین لر اویوشتریلیشی کوتیله دی. سیلاو الدی تبلیغی برنامه لر بیرکون الدین باشله نیب ایکی آی گه قد دوام تارتیشی ریجه لنگن.