«دنیاده سرطان کسلیگی کیسکین آشماقده»

Image copyright
Image caption کوپ مملکتلرده کوکره ک سرطانی کسللیگی اینگ کوپ ترقلگن توری بولیب، افریقانینگ کتته قسمیده بچه دان رکی آشیب بارماقده.

«٤فبروری سرطان گه قرشی خلق ارا کوره ش کونی. جهان ساغلیقنی سقلش تشکیلاتی شو مناسبت بیلن سرطان تولقینی بیلن توقنشگنیدن بانگ اورماقده.حاضر هرییلی تخمنین 14 میلیون کیشیگه سرطان تشخیصی قوییلسه، خلق ارا تشکیلات نینگ بشارت قیلیشیچه، 2025 ییلده باریب بوییلگه 19 میلیون، 2030 ییلده 22 میلیون، 2035 ییلگه باریب ایسه 24 میلیون گه ایتیشی ممکن.بوندن تشقری رواجلنه یاتگن دنیاده یعنی قوشیمچه عامللر سرطاننی کیلتیریب چیقریش خوفی موجود. متخصصلر، شوبیلن بیرگه، الکول لیک ایچیملیکلر وشکر استعمالینی قیسقرتیریب، کسللرنینگ سانینی یریمگه قیسقرتیریش امکانلری باردییشه دی.جهان ساغلیقنی سقلش تشکیلاتی حاضرگی پیتده سرطاننی آلدینی آلیش اوچون چیکیش، سیمیزلیکدن سقله نیش و الکول لیک ایچیملیکلردن تییلیش یوللریگه دقتنی قره تیش لازملیگینی تاکیدله یدی.تشکیلاتگه کوره، سرطاننی کیلتیریب چیقه ره دیگن اساسی سببلر هم چیکیش، ایچیش، سیمیزلیک، ویروسلر، ردیسیه، قویاش نوری، حیوان نینگ افلاسله نیشی وباشه علاحیده عامللردیر.خلق ارا ساغلیقنی سقلش تشکیلاتی نینگ سرطاننی اورگه نیش مرکزی باشلیغی داکترکریس اویلدگه کوره، سرطان کسلیکلری نینگ آرتیشی اساسأ رواجلنه یاتگن دولتلر اهالیسی ضمه سیگه توغری کیلماقده. «سرطان کسلیکلرینی دوالش نرخلری دنیاده بلند، لیکن کسللیک اهالی نینگ قریشی وسانی نینگ آشیب باریشیدن هم کیلیب چیقماقده. «سرطاننی دوالش نرخلری حتی اقتصادی بلند دولتلرده هم نظارتدن چیققن، دییدی او. رک نی آلدینی آلیش آغیر احوالده».کوپ مملکتلرده کوکره ک سرطانی کسللیگی اینگ کوپ ترقلگن توری بولیب، افریقانینگ کتته قسمیده بچه دان رکی آشیب بارماقده.عیاللرده کیچ تورموشگه چیقیش، کم باله توغیش وکوکره ک سوتی بیریب باقمسلیک هم کسللیکنی پیدا قیلووچی سببلردن بیری ایکنی ایتیله دی.شونینگدیک کیینگی پیتلرده کینگ عرفگه کیرگن قویاشده تابله نیش هم سرطان نینگ بیرقنچه تورلرینی کیلتیریب چیقه ریشی ممکنلیگی انیقلنگن.آسترالیا عالی درگاهی داکتری بیرنر ستیورتگه کوره، الکول لیک ایچیملیک ایچیش نینگ عاقبتلری صفتیده هلاکتلر، تورلی هجوملر صادر ایتیلیشی معلوم، لیکن اوعینأ رککه آلیب کیلیشی اونچه تن آلینمه یدی یاکه اورگه نیلمه گن. الکول ایچیملیکلرگه مناسبتنی اوزگرتیریش، اونی ایشلب چیقه ریشدن تارتیب، نرخ قوییلیشگچه عمل قیلیشی کیره ک. شونینگدیک سمیریش رکنی کوپه یتیرگنیدیک، دییتگه هم رککه آلیب کیلیشی ممکن لیگینی ایته دی. داکتر بیرنر ستیورت.شونینگدیک 10فایز حالتده رک اولاددن اوتیشی هم انیقلنگن.

Image copyright AFP
Image caption شونینگدیک 10فایز حالتده سرطان اولاددن اوتیشی هم انیقلنگن.

ساغلام اوقات لنیش ضرور

خلق ارا تشکیلات حساباتیگه قره گنده، دنیاده ترقلگن سرطان نینگ بیرقنچه تورلرینی ساغلام اوقات لنیش، ساغلام دییته وجسمانی فعاللیک بیلن برطرف ایتیش ممکن. بیراق آدملرنینگ توغری اوقات لنیشی نینگ قنده ی اهمیتی بارلیگینی بیلمسلیگی خواطرلیدیر.بریتانیالیک داکتر جین کینگ نینگ ایتیشیچه، آدملر ساغلام تورموش طرزینی تنلب، سرطان نینگ رواجله نیشنی قیسقرتیریشلی ممکن، لیکن دولت وجمعیت نینگ هم ساغلام تورموش طرزی یره تیلیشیده گی مسئولیتی کتته.بیزحاضر حرکت قیلسک، کیله دیگن 20 ییلده سرطان نی دوالشده گلوبل انقراض مرکزیده بولیشیمیز ممکن، دییدی او.سرطان کسللیکلرینی اورگه نیش بوتون جهان فاندی کسللیک نینگ آلدینی اوچون علاجی باریچه میوه وسبزوات لراستعمال قیلیش توصیه قیلیب، الکولیک ایچیملیکلروقیزیل گوشت استعمالینی قیسقرتیریش، قیته ایشلنگن گوشت محصولاتلریدن بوتونلی واز کیچیشگه چقیره دی.حساباتدن کیلیب چیقه دیگن خلاصه شوکه، سرطان دن سقله نیش اوچون چیکیشنی تشلب، ایچیشنی کمه یتیریشلری وکوپراق میوه – سبزوات ییشلری لازم. عیاللرهم چیکیشنی ییغیشتیریب، اوزوزنلری حقیده کوپراق قیغوریشلری کیره ک.عالملر شوپیتگه قدر سرطان خسته لیگینی چقیروچی 14 عاملنی انیقله گن بولیشسه، اولرنینگ برچه سی ایکولوژی وتورموش طرزی بیلن باغلیق ایکن.