آلمان حکومتی: اوزاق مدتلی حربی یاردملری میز امنیتی پیمان گه باغلیق

آلمان دولتی نینگ تشقی ایشلروزیری کابل گه قیلگن سفری چاغیده میلادی 2014 ییل دن کیین هم افغانستانده گی یاردملری توختب قالمسلیگینی ایتدی، اما اوزاق مدتلی حربی یاردملری افغانستان و امریکا اره سیده امنیتی پیمان امضاله نیشی گه باغلیق ایکنینی معلوم قیلدی.

آلمان دولتی نینگ تشقی ایشلر وزیری گه کوره؛امنیتی پیمان امضالنگن حالده افغانستان امنیتی کوچلری اوچون بیریله دیگن یاردملر اوشبو مملکت پارلمانی تمانیدن توختلمسدن تصدیق لنه دی.

فرانک والتر شتاین آلمان دولتی نینگ تشقی ایشلر وزیری صفتیده تعین ایتیلگنیدن سونگ بیرینچی مرته دیرکه افغانستان گه سفر قیله دی. جناب شتاین کوتیلمه گن سفر بیلن بیرینچیدن مزارشریف گه باریب اوییرده گی المان لیک حربیلربیلن هم اوچره شگن.

فرانک والتر شتاین بوگون کابلده افغانستان تشقی ایشلر وزیری بیلن قوشمه مطبوعات انجمنی اوتکزیب، المان دولتی نینگ اوزاق مدتلی حربی یاردملری امریکا و افغانستان اره سیده امضاله نیشی کوتیله یاتگن امنیتی پیمان گه باغلیق ایکنینی تیلگه آلدی. عینی حالده او، جمهوررییس کرزی بیلن هم بو موضوع باره سیده صحبت قیلگنینی تاکیدله دی:"شوندی کی افغانستان جمهورریسی بو پیمان امضاله نیشینی ایتدی مین هم اچیق شکلده اونگه بو پیمان امضاله نیشی بیز اوچون هم اوته مهم بولگنینی ایتدیم. افغانستانده گی برنامه لری میز اوچون وقت گه احتیاج بار، مردم و پارلمانننی قانیقتیرسک کی میلادی 2014 ییلدن سونگ افغانستانده گی حربی حضوری میز تصدیق لنسه."

افغانستان تشقی ایشلر وزیری ضرار احمد عثمانی افغانستان وامریکا آره سیده امنیتی پیمان امضالش اوچون مذاکره لر دوام ایتیب کیله یاتگنینی اورغوله دی.

شونینگ دیک او، بو پیمان جمهوررییسلیک سیلاو دن آلدین امضاله نیشگه امید بیلدیردی.

آلمان؛ امریکا وبریتانیا دولتی دن سونگ اوچینچی مملکت دیرکه افغانستانده کوپ حربی سی بار قیته قوریش بولیملریده هم کوزگه کورینرلی یاردملر بیرگن. المان دولتی نینگ 5350 حربی سی افغانستانده فعالیت آلیب باررایدی، اما حاضرایسه 3100 عسکری افغانستانده قالگن. بوندن الدین المان دولتی افغانستان پلیس کوچلری نینگ مشق تیارگرلیک لردن اوتکزیش اوچون هم یاردم بیرگن المان تشقی ایشلر وزیری بوکبی یاردملری دوام ایتیشی گه امید بیلدیردی.