دولت ونادولت خادم لریگه ایش قانونی باره سیده معلومات بیریش برنامه سی یولگه قوییلدی

Image copyright AFP

افغانستان ایش واجتماعی ایشلر وزیرلیگی دولت ونادولت تشکیلات لر یوزلب خادم لرینی ایش قانونی وخلق ارا ایش قانونی دن معلومات گه ایگه بولیشلری اوچون معلومات بیریش برنامه یولگه قویگن.

بو وزیرلیک که کوره ، بو برنامه خلق را ایش قانونی تشکیلاتی وایریم اداره لریاردمی بیلن مملکت نینگ 6زونیده یولگه قویلیب بوندن مقصد ایش قانونی رعایه ایتیلیب وایش شرایطی یخشی لنیشی دیر.

عین پیتده بووزیرلیک تمانیدن ایش قانونی لایحه سی گه وایه گه ییتمه گن باله لرشغللنه یاتگن آغیرایشلر رویخطی نی هم اعلان ایتگن.

اما شونگه قره مسدن هلی هم مملکتده ایش سیزلیک اساسی معما بولیب یوزمینگ لب کیشی ایش سیزلیکدن محروم بولیب کیلماقده لر .

افغانستان ایش قانونی وخلق ارا ایش قانونی باره سیده معلومات بیریش اوچون یولگه قوییله دیگن بو برنامه ده 34ولایت دن 360کیشی گه معلومات بیریله دی.

افغانستان ایش واجتماعی ایشلر وزیرلیگی گه کوره بوبرنامه نی یولگه قوییشدن مقصد ایش قانونی باره سیده معلومات گه ایگه بولیب ایش شرایطی یخشی له نیب وایش قانونی نی تولیق رعایه ایتیلیشی بولگن.

افغانستان ایش واجتماعی ایشلر وزیری خانم آمنه افضلی ایش قانونی تولیق رعایه ایتیلمه گنی گه ایش قانونی دن یخشی معلومات بولمسلیگی نی سبب دیب تیل گه آله دی.

بوندن تشقری بو وزیرلیک نه فقط تیگیشلی اداره لرایش قانونی دن اهالی معلومات لرینی آشیریش لری کیره ک بلکی مسجد امام لری ورسانه لرهم اهالی نی خبردارقیلیشلری لازم لیگی تاکیدلنه دی.

افغانستان ایش واجتماعی ایشلر وزیرلیگی اوتگن ییللرده هم ایش قانونی باره سیده معلومات نی آشیریش برنامه لری یولگه قوییب ایجابی نتیجه بیرگنی نی معلوم قیله دی.

شونینگ اوچون ایریم اشتراکچی لر تمانیدن بوکبی معلومات بیریش برنامه لرکوپراق ودواملی روشده اوتکزیلیشی طلب قیلیندی.

اماافغانستانده هلی هم کوپلب اهالی ایش سیزلیک دن قیینه لیب قوشنی مملکت لرگه ایش ایزلب کیته یاتگن لری کوزه تیله دی.

بوندن تشقری حتی کی ایش بیلن تامین لنگن خصوصی سکتورلر ده ایشلب کیله یاتگن خادم لرهم یمان وضعیت ده بولگنی نی تیل گه آلینه دی.

بونگه سبب ایش ایگه لری وایشچی لرتمانیدن ایش قانونی نی تولیق رعایه ایتیلمه گنی، ایش ایگه لری ،ایشچی لرقانوندن بی خبرلیگی ومذکور قانونده کم چیلیک لری بارلیگی سبب قیلیب کورسه تیله دی.

شونینگ اوچون مذکور وزیرلیک وبیر قطار اداره لر تمانیدن ینگیدن مذکور ایش قانونی گه قوشیمچه لر کیریتگن لری معلوم قیلینماقده. اگرایش قانون لایحه سیده گی بو اوزگریش لر پارلمان وجمهور رئیس تمانیدن تصدیقلنگن حالده مملکت ایش شرایطی یخشی لنه دی دیگن تخمین ایلگر ی سوریلماقده. بو لایحه ده ینگی دن سیغدیریلگن مهم مساله لر کیچیک باله لرنی ایشگه آلگن لر جزا له نیشی، خصوصی سکتورخادم لری تقاعدگه چیقیش امتیازیدن بهرمند بولیشی، ایش عالی کینگشی ایجاد ایتیلیشی و ایش واجتماعی ایشلروزیرلیگی ایش قانونی نی تطبیق ایتیش اوچون نظارت قیلیشی یانیده عملی قرارآلیش صلاحتی گه ایگه بولیش مساله لریدن عبارت بولگن.