کرزی اوچ تمانلمه ییغینده قتنه شیش اوچون تورکیه گه سفر قیلدی

تورکیه افغانستان ده صلح تامینلنیشی اوچون جدی سعی و حرکت آلیب باریشنی نیت قیلگن.حامدکرزی تورکیه و پاکستان رهبرلری بیلن مذاکره قیلیش اوچون انقره گه سفر قیلگن.

اوتگن ییل هم افغانستان، پاکستان و تورکیه رهبرلری انقره ده مذاکره قیلیشگندی.

خبرلرگه کوره، تورکیه افغانستان دولتی نی قوراللی مخالفلری ارا مذاکره لر جریانیده همکارلیک کورستماقچی.

افغانستان دولتی هر دایم امریکا و پاکستان نی مملکت ده صلح تامینلاوچی دیه تاکیدله ماقده.

ایتیلیشیچه، افغانستان و پاکستان تورکیه نینگ سعودی عربستانیده طالبان بیلن مذاکره آلیب باریلیشی اوچون اداره آچیلیشی باره سیده گی واسطه چیلیگی نی معقوللشگن.

اوتگن ییل هم امریکا همکارلیگی بیلن قطرده طالبان اوچون نماینده لیک آچیلگندی. اما کابل نینگ قرشیلیگی سبب، قیته دن یاپیلدی.

افغانستان دولتی هنوز گچه کرزی نینگ تورکیه گه قیلگن سفری باره سیده بیرار نرسه دیمه گن. اما جمهور رییسلیک اداره سی تمانیدن نشر ایتیلگن خبرنامه ده پاکستان نینگ مذکور ییغینده اشتراک ایتیشی قید ایتیلگن.

خبرنامه کوره، حامدکرزی بو اوچ کونلیک سفری چاغیده افغانستان، پاکستان وتورکیه رهبرلری ارا ییغینده اشتراک ایتیشدن تشقری تورکیه جمهور رییسی عبدالله گل باش وزیر رجب طیب اوردوغان بیلن ایلکه مملکت ارا مناسبتلر کینگه یتیریلیشی باره سیده علحیده اوچره شیشی ممکن.

جمهور رییس کرزی نی بو سفرده مملکت تشقی ایشلر وزیری، مدافعه، تینچلیک عالی کینگشی رییسی، ملی خوفسیزلیک مصلحتچیسی و باشقه بیرقطار ملازملر یولداشلیک قیله دی.

انقره ییغینیدن اساسی مقصد، افغانستان ده تینچلیک تامینلنیشی و اوچله مملکت ارا مناسبتلرنی مستحکملشدن عبارت ایکنی ایتیله دی.