شمالده موتر نینگ دریا گه قوله ب توشیشی عاقبتیده ۱۸ کیشی هلاک بولگن

Image caption معلوماتلر گه کوره ۲۰۰۵ ییلیدن ۲۰۱۲ ییلگچه افغانستانده ۳۵ مینگ کیشی اوز جانلرینی ترافیکی حادثه لرده قولدن بیرگن.

افغانستان شمال شرقیده کی قندوز ولایتی ملازم لری نینگ خبر قیلیشیچه پیکپ موتر نینگ دریا گه قوله ب توشیشی عاقبتیده ۱۸ کیشی هلاک بولیب، اوچ نفر ایسه یره لنگن.

خان آباد تومنی مسئوللریدن قدرت الله صافی نینگ بی بی سی گه ایتیشیچه حادثه ده بیش عیال، ایککی باله و اون بیر ایرکک جان لرینی قولدن بیرگن.

خبرلرگه کوره موترده ۲۳ کیشی بولگن و ایککی نفر ایسه حاضرگچه بی درک یوقالیب کیتگن .

صافی جنابلریگه کوره یوللرنینگ موزلب قالگنی باعث ایداوچی موتر نظارتنی یوقاتگن و موتر قندوز نینگ خان آباد تومنیده گی دریا ایچیده قوله ب توشگن.

معلوماتلرگه کوره "جولای چه " قشلاقی یشاوچی لریدن بولگن بو شخص لر خان آباد تومنیگه بازارلیک اوچون باره یاتگن پیتی بو حادثه روی بیرگن .

موجود معلوماتلر گه کوره ۲۰۰۵ ییلیدن ۲۰۱۲ ییلگچه افغانستانده ۳۵ مینگ کیشی اوز جانلرینی ترافیکی حادثه لرده قولدن بیرگن.