نیگه مخابرات وزیرلیگی اسکی جهازنی فضا گه یوبارگن؟

Image caption حاضرگچه افغانستان رسمی شکلیده افغان ست بیر ناملی صنع یولداشنی فایده له نیشگه تاپشیرمسدن توریب قطار تنقیدلر گه روپه رو بولماقده.

افغانستان مخابرات وزیرلیگی یوتل ست شرکتی تمانیدن افغانستان اختیاریگه قوییلگن صنع یولداش ایشله تیلگن لیگی دن خبر بارلیگی نی معلوم قیلگن.

افغانستان مخابرات وزیری امیرزی سنگین ایریم تنقیدلرگه جوابن بی بی سی گه بیر صنع یولداشنی فضاگه اوزه تیشگه 250میلیون دن تا 300میلیون دالرگچه خرجت طلب قیلرلیگی نی ایتیب بونگه حکومت کوچی ییتمسلیگی نی تیل گه آلگن.

اما مخابرات وتکنالوژی بوییچه خذمت کورسته دیگن شرکت لر ایشلش امکانیتی چیکلنگن بو ستلایت بیلن قرارقیلیش گه حاضر ایمس لیک لرینی ایتگن لر.

حاضرگچه افغانستان رسمی شکلیده افغان ست بیر ناملی صنع یولداشنی فایده له نیشگه تاپشیرمسدن توریب قطار تنقیدلر گه روپه رو بولماقده.

بوتنقیدلرگه سبب بو ستلایت آلدینده ایشله تیلگنی اوچون کوپ مدت ایش بیرمسلیگی بولگن.

افغانستان مخابرات وزیرلیگی گه کوره بوندن قریب بیر ییل آلدین بومملکت صنع یولداش گه ایگه بولیش اوچون قرارآلگن ایدی.

بو مساله نی ایسه خلق ارا مقیاسیده کیم آشدی گه قویدی، بیراق ایکی شرکت بونگه قیزیقیش کورستگن ایدیلر، بیری یوتل سیت وینه بیری هم چینلیک وسریلانکالیک قوشمه شرکت ایدی.

مخابرات وزیری امیرزی سنگین اوشه پیتده بومملکت اونگیده ایکی یول تورگنی نی معلوم قیله دی.

بیری ینگی صنع یولداشنی آلیش وینه بیری هم ایشله تیلگن حاضرگی ستلایت ایدی، بونی عمری 5ییلدن 7ییلگچه بولگن.

افغانستان مخابرات وزیری افغان سیت صنع یولداشی برچه قیین چیلیک لری بولیشیگه قره مسدن افغانستان احتیاجی برطرف ایتیشی نی معلوم قیله دی.

"بوصنع یولداش مدارگه جایلشگندن کیین قویاشدن آله دیگن برق تامیناتی نینگ بیربولیمی فعالیت دن قالگن، لیکن باشقه بیربولیمی فعال، لیکن آلدینگی قدرت گه ایگه ایمس، بیزگه یوتل سیت شرکتی تمانیدن ایش بیره دی دیب کفالت بیریلگن، موجود امکانیت بیلن بیش ییل مدتی گچه افغانستان احتیاجی برطرف ایته آله دی"

سنگین جنابلریگه کوره ینگی صنع یولداشنی فضاگه اوزه تیش خرجتی 250میلیون دالردن 300میلیون دالرگچه طلب قیلیب وبونینگ فعال قیلیش گه 3ییل وقت کیره ک.

افغانستان گه تاپشیریلیشی کوتیله یاتگن بوصنع یولداش ایسه میلادی 2008ییلده فضاگه جونه تیلگن.

بیرصنع یولداش نینگ فعالیت مدتی 15ییل دیب ایتیله دی، بو ستلایت گه افغان سیت بیردیب نام قوییلگن، 48درجه شرقده جایلشتیریلیشی ایتیلماقده.

بو صنع یولداش تخنیکی معماسبب فضا اوزه تیلگنی ییللریده یوتل سیت نظارتی دن چیقیب 2ییلگه قدر فضانی گیزگن.

بو شرکت ایسه، میلادی 2009ییلده سوغورته قیلینگن شرکت دن 120میلیون دن کوپراق مبلغ نی بوتونلی خساره صفتیده آلگن.

اما بو تخنیکی قیین چیلیگی بولگن بو ستلایت قنچه لیک ایش بیریشی ممکن.

کابلده گی انترنیت خذمتی کورسه تیب کیله یاتگن شرکت لردن بیری اوچ خارجی شرکت بوجمله دن یوتل سیتدن انترنیت آلگن.

بو شرکت مسوولی خارجده تکنالوژی بولیمی نی بیتدیریب چیققن، بو صنع یولداش فعالیتی حقیده معلومات بیره دی.

"بیزشرکت مسووللری، اینیقسه مین بیرینچی دن اوزشرکتیم ادرسیدن گپیره من، بوشرکت کورسته دیگن خذمتی نی یخشی اورگنمه سک، بو بیلن قرارداد قیلمه یمیز، مخابرات وزیرلیگی بونگه کوپراق اعتباربیریشی کیره ک، کوپراق بونی ایش بیرر- بیرمسلیگی نی اورگه نیشی لازم، یوقسه بیرکون، اقتصادی ضربه کوریب وهم آبرو توکیلیشی گه سبب بوله دی" دییدی بوشرکت مسوولی خالق یار حیدری

مخابرات وزیرلیگی تمانیدن صنع یولداش گه ایگه بولیش اعلان ایتیلیشی دن ایکی هفته اوتیشی بیلن افغانستان بیرله شیش ویباستیده بیرتحقیقی گزارش نشرایتیلیب بونده افغانستان حکومتی بیلن یوتل سیت شرکتی آره سیده گی شرطنامه تنقیدآستیگه آلینگن.

بو گزارش یازووچی سی فرزاد بو قراردادگه شبهه بیلن قره ماقده.

"بوگون کوره میزکی افغانستان نینگ فضاده صنع یولداش امکانیتی گه ایگه بولیش آوازه سی چیقه دی، شونده ی حالت ده بیز شبهه گه توشه میز، بوندن مقصد کوپ مقدارده پول یاردم ایتیله دی، بو پوللر تورلی بهانه لربیلن مملکت دن چیقریله دی، یا بیرقطارلرچونتگی گه کیره دی، نهایتده بیرکونی افغانستان قرضداربولیب بونگه افغانستان خلقی جوابگر بوله دی" دییدی فرزاد جنابلری

اما مخابرات وزیری امیرزی سنگین جنابلری بو گزارشنی ناامیدلنتیرووچی بیرمساله دیب ایته دی.

افغانستان مخابرات وزیرلیگی افغان ست ناملی ستلایت نی 5ییلدن 7ییل گه قدر فعالیت قیلیشینی یوتل ست شرکتی کفالت قیلگنی نی بیلدیرگن.

افغانستان ییلیده بو صنع یولداشدن 15میلیون دالرمنفعت قولگه کیلتیره دی. بوندن 4میلیون دالرینی یوتل ست شرکتی گه بیره دی.