هرات ده ایکی کوندن بیری عیال محبوسلر آچیلیک اعلان قیلیشماقده

Image copyright .
Image caption حاضر هرات تورمه سیده کمیده 174 نفر عیال محبوس سقلنه یاتگنی ایتیله دی.

آچیلیککه قول اورگن عیاللر سانی اون اوچ کیشی ایکنی ایتیله دی.

آزیق ـ آوقت ییمسلیک اعتراضیگه قول اورگن بو محبوسلرنینگ معمالری یقیندن کوزه تیلیشی اوچون، هرات حاکمی طرفیدن هییت تعیینلگن.

هییت بوگون محبوسلر بیلن اوچره شگن، محبوسلر هییت گه اوز طلب و ایستکلرینی آچیق تکلیف قیلیشگن.

هییت اعضالری، هرات محکمه سی رییسی، قاره لاوچی، انسان حقلرینی حمایه ایتووچی فعاللر و ملی خوفسیزلیک اداره سی مسووللریدن عبارت ایکنی ایتیله دی.

8 مارچی عیاللر کونی گه تینگ. افغانستان جمهور رییس شو مناسبت بیلن محبوس عیاللرنینگ قماق جزاسی مدتی نی کمه یتیریشی و قوییب یوباریلیشی حقیده فرمان صادر ایتیشی احتمالی موجود.

اما هرات قماقخانه سی ده گی عیال محبوسلر، مذکور هییتگه جمهور رییس دستوری اساسیده دوسیه لری تیزلیک بیلن محکمه ده حل ایتیلیشی نی طلب قیلیشگن.

قماقخانه گه بارگن هییت اعضالری گه کوره، محبوسلر طلبلری قطعی شکلده عملی بولیشی نی سوره شگن. هییت نینگ ایتیشیچه، آچلیک اعلان قیلگن عیاللر حکومت تمانیدن طلبلری انابتگه آلینمه گن تقدیرده، تورمه ده گی کمیده 150 محبوس گه آذیق آوقت ییتکزیب بیریش یولینی کیسیب قوییشلری باره سیده آگاه لنتیریشگن.

مذکور هییت، محبوس عیاللرنینگ طلبلری جمعله نیب، هرات باش قاره لاوچیلیک و محکمه سی همده جمهور رییسگه یوباریلگنی نی تاکیدله گن.

هییت گه کوره، اولر جمهور رییس نینگ فرمانی اساسیده قرار قبول قیلیشی ممکن.

حاضر هرات تورمه سیده کمیده 174 نفر عیال محبوس سقلنه یاتگنی ایتیله دی.