کرزی: مولوی عبدالرقیب تخاری صلح قربانی بولدی

Image copyright BBC World Service

افغانستان جمهوررئیس لیک سرایی تامانیدن ترقه تیلگن بیاناتده مولوی عبدالرقیب تخاری نینگ ترور ایتیلگنی قتیق قاره له نیب صلح قربانی بولدی دیب فکر بیلدیریلگن.

بیاناتده یازیلیشیچه، ملا آغاجان معتصم رهبرلیگی بیلن دوبی ده صلح باره سیده اوتکزیلگن یغینده مولوی عبدالرقیب تخاری هم حصه قوشگن ایکن. پاکستان گه قیتگنیدن کیین ترور ایتیلگنی ایتیلگن.

عین حالده افغانستان جمهوررئیسی حامدکرزی طالبان عصیانچیلری نینگ برچه اعضالرینی ینه بیر بار اولکه گه قیتیشلریگه چقیرگن.

مولوی عبدالرقیب اوزبیک قومی گه منسوب بولیب، تخار ولایتی نینگ کلفگان تومنیده دنیاگه کیلگن او ایسه دین بوییچه پاکستانده تحصیل آلگن، طالبان حاکمیتی دوریده مهاجرلر وزیری صفتیده وظیفه آلیب بارگن، طالبان حکومتی قوله تیلگنیدن سونگ پاکستان گه باریب اوییرده حیات کیچیرگن.

مولوی عبدالرقیب بیرکون آلدین پاکستان نینگ پشاور شهریده ناانیق قوراللی لر تامانیدن ترور ایتیلدی. اونینگ جسدی پاکستان دن کابل و کابل دن تیک اوچر آرقه لی تخارگه ییتکزیلدی.

جنازه سی بیرقنچه رسمی مقاملر اشتراکی بیلن توپراققه تاپشریلدی. تخار ولایتی نینگ ولایت حاکمی سوزچیسی سنت الله تیمور نینگ ایتیشیچه، جمهوررییس کرزی توپراققه تاپشریش مراسمی جریانیده مولوی عبدالرقیب آته سی بیلن تیلفونی علاقه قوریب غم شریک لیک بیلدیرگن.

حاضرگچه هیچ بیر گروه بو حادثه مسوولیتی نی اوز عهده سیگه آلمه گن.

اخیرگی هفته لرده طالب لرنینگ بیر قطار اعضالری ایسه پاکستان نینگ کویته شهریده اولدیریلدی.

اوتگن ییل نوامبرآییده حقانی ترماقی نینگ رهبرلریدن نصیرالدین حقانی پاکستان پایتختی اسلام آبادده اوققه توتیلیب هلاک ایتیلگن ایدی.

طالب لرگروهی بو قتل لرافغانستان استخباراتی تمانیدن عملگه آشیریله یاتگنی نی تیل گه آلگن ایدیلر. اما افغان رسمی لری قوراللی لرنینگ آره لریده گی قرشی لیک لرنی بو قتللریوزبیریشیگه سبب دیب بیلدیرماقده لر.

طالب لرنینگ سابق باشلیغ لریدن معتصم آقا جان بی بی سی بیلن بولگن صحبتیده طالب لررهبرلری پاکستان نینگ پشاور وکویته شهرلریده هجومگه توتیلیب اولدیریله یاتگن لرینی معلوم قیلگن.

شونینگ دیک او ملا عبدالرقیب افغانستانده تینچلیک برقرارله نیشی اوچون سعی وحرکت قیله یاتگنی نی تیل گه آلگن.

افغانستان دولتی طالباننی تینچلیک جریانی گه قوشیلیش اوچون ترغیب قیلیب کیلماقده وبو سعی وحرکت مسوولیتی افغانستان تینچلیک عالی کینگشی گه تعلقلی بولگن.

اوتگن جون آییده افغانستان دولتی تینچلیک مذاکره لرینی باشلش مقصدیده قطرده طالب لرنینگ وکالت خانه سی آچیلگن ایدی. بومساله حامد کرزی نینگ اعتراضی گه سبب بولدی. افغانستان حکومتی بو دفترنینگ بیر جنگری گروه وکالت خانه سی بولیشی اورنیده بیرحکومت ایلچی خانه سیگه اوخشب کیتگنی نی معلوم قیلگن ایدی.

پنجشنبه کونی افغانستان دولتی بگرام قماقخانه سیدن بیرقطار طالب لرگه اعضا دیب ادعاقیلینگن کیشی لرنی آزاد ایتیشی امریکا قوشمه ایالاتی نینگ قتیق ناراضی لیگی گه سبب بولدی.

ایریم تحلیلچی لر، افغانستان دولتی نینگ بو سعی وحرکت لرینی طالب لرنینگ تینچلیک مذاکره لری یانداشیش لری اوچون رغبلنتیرووچی بیرعمل دیب تاکیدله ماقده لر.