جاري ييلده جوزجان ولايتيده 23 ته عيال اوز جانيگه قصد قيلگن

Image caption شریفه انه سی:قنداق قیله ی هردقیقه یوقلیمن ییغله یمن

بولرنينگ اكثريتي ياش عيال بوليشگن. جوزجان ولایتی نینگ انسان حقلريني حمايه ايتووچي کمیسیونی، اوتگن ییللرگه قره گنده بو ييل عياللرنينگ اوز جاني گه قصد قيليش حاللري آشگنیدن تشویش بیلدیرماقده.

مذكور كميسيون بوخود کش لیکلرگه زوردن تورموش گه چیقه ریش، اوقیشدن محروم ایتیش همده كمبغلليكلرني سبب قيليب كورسته دي.

جوزجان ولایتی نینگ کوک گنبد محله سیده جانيگه قصد قيلگن عياللردن بيري 18 یاشلی شریفه اسملی قیز. او بوندن اوچ آي آلدين اوزيني آسيب اولديريب، آنه سيني قيغوماتمگه سالگن:"قنداق قیله ی هردقیقه یوقلیمن ییغله یمن، آنه بولگندن کوره تاش بولگن یخشی ایکن.نیمه هم قیلردیم خدانینگ ایشلری بونگه چاره یوغ ایکن. کیچه اولتیردیک، قصه لشدیک، کولدیک اوندن کیین نمازینی اوقیدی مینگه ایتدی آنه بیزلرایندی اوخله یمیز دیدی. کیین مین هم اوخله دیم، بیلمه دیم ایندی ایرته لب توردیم نمازیمنی اوقیدیم باشقه اویگه بارسم قره سم آسیلیب یاتیبدی. بالم نیمه قیلیب قویدینگ کیچه مینی کونگلیم نی کوترگندینگ نیمه اوچون بونده ی ایشنی قیلیب قویدینگ دیدیم. شریفه مینی فریب گه قویدی هیچ بیلمه ی قالدیم» دییدی اونينگ آنه سي زرين گل.

سیاه موی شریفه نینگ اوکه سی، اوهم آپه سی اوزینی نیمه مقصددن آسگنینی انگله آلمه گن. او، شو کمبغللیگیمیز آپمنی حیاتدن کوزیومگنیگه سبب بولگن بولسه کیره ک دییدی.

Image caption شریفه نینگ جوزجانده گی اوی او، او کمبغلیک دن اوزینی آسگنی ایتیله دی

شریفه نینگ عمه سی، بوقیزلاق اوچون ینگی حیات قوریش مقصدده ساووچیلرکیلگن. لیکن او ایسه، اوقیشنی دوام بیریشي اوچون، تورموشگه چيقيشي ني رد ايتگن، دييدي او.

رسمیلرنینگ بيرگن معلوماتيگه كوره، مملکت بویيچه آليب باريلگن تحقیقاتلرده کوپینچه عیاللرگه جنسي زوروانلیکلر اوتكزيلگن. افغانستانده یونما اداره سي تمانیدن کوره ستیلگن حساباتده، افغان عیاللری گه عايله وي زوره وانليكلر ميزاني آشگني كورستيلگن.

جوزجان ده انسان حقلرينی سقلش کمیسیوني ریسی مخفرت صمیمی، بو ولایتیده عیاللرگه قرشی زوروانلیك همده خودکش لیک سانی آشیب باریشیدن تشویش بیلدیرماقده، اونگه کوره، بوخودکش اهالي نينگ سوادسيزليگي دن كيليب چيقه دي.

ساغليق ني سقلش وزیرلیگی، افغانستانده عیاللر نينگ اوز جانيگه قصد قيليشگ ميزاني 95 فايزگه آشگنيدن خبربیرگن. اوتگن ییلده 2500 گه یقین عیال اوزجانلریگه قصد قیلگنلر.

جوزجان ولایتی نینگ عامه ساغلیک ریسی داکترفریدون نینگ ایتیشیچه، جاری ییلده بوشفاخانه گه 14 عیال نینگ اوزجانیگه قصد قیلگن تورلی واقعه سي رويخطگه آلينگن.

نجیبه قریشی جوزجان ولایتی خاتین قیزلركينگشي ریسی، بو ریاست عیاللرنینگ حق حقوقلري باره سيده آگاه لنتریش مقصدیده تورلی نهادلرهمده تشقی مملکت لرموسسه لر یاردمی واسطه سیده تبلیغ لرنی یولگه قویگنلرینی تاکیدله یدی.

روح شناسلیک استادلریدن بولگن وکیل جنابلری ایسه، بو یاشلرنینگ شیرین جانلریگه قصد قیلیشلریگه، عایلوی قیین چیلیکلر و اقتصاد معمالرني سبب قيليب كورسته دی.

عیاللرگه قرشی زوروانلیکلرانسان حقلرینی آیاق آستی قیلیش، همده خوفسیزلیک وصلح نی تامین لشده توسیق بولیشدیر. بوتورلی زوروانلیکلر، خصوصأ خودکش لیک بوهمه سی عیاللراوچون عذاب حسابلنه دی.

1993 ییلده بیرلشگن ملتلرتمانیدن عیاللرگه قرشی زوروانلیک ایریچه تعریف لنگن: اولرگه بوله دیگن تورلی زوروانلیلکلر، خواه فزیکی حرکت بولسین می یاروحی ، همده اولرنینگ آزادلیکدن محروم ایتیش بولرهمه سی عیاللرگه قرشی زوروانلیک حسابلنه دی.