پشاور شهریده طالبان حکومتی نینگ سابق مقاملریدن بیری ترورایتیلدی

پاکستانده طالب لرنینگ بیرمقامی اسوشیتدپریس خبرگزارلیگیده ایتیشیچه ملا عبدالرقیب دوشنبه کونی پشاورشهری نینگ ناصرباغ منطقه سیده گی مدرسه لردن بیریدن چیقه یاتگن بیر پیتده اوققه توتیلگن.

رقیب جنابلری طالبان حاکمیتی دوریده بیر مدت مهاجرلروزیری تعیین لنگن ایدی.

طالب لرنینگ سابق رسمی لری معتصم آقاجان ملاعبدالرقیب نینگ یقین دوست لریدن بولگنی ایتیله دی.

اسوشیتدپرس بیلن صحبت قیلگن طالب لرنینگ رسمی لری دن بیری ملاعبدالرقیب نینگ هلاک ایتیلگنی نی تصدیق لب اونی افغانستان دولتی بیلن تینچلیک جریانی باره سیده گی صحبت اوتکزیلیشی گه طرفداربولگن دیب بیلدیرگن.

حاضرگچه هیچ بیر گروه بو حادثه مسوولیتی نی اوز عهده سیگه آلمه گن.

اخیرگی هفته لرده طالب لرنینگ بیر قطار اعضالری ایسه پاکستان نینگ کویته شهریده اولدیریلدی.

اوتگن ییل نوامبرآییده حقانی ترماقی نینگ رهبرلریدن نصیرالدین حقانی پاکستان پایتختی اسلام آبادده اوققه توتیلیب هلاک ایتیلگن ایدی.

طالب لرگروهی بو قتل لرافغانستان استخباراتی تمانیدن عملگه آشیریله یاتگنی نی تیل گه آلگن ایدیلر. اما افغان رسمی لری قوراللی لرنینگ آره لریده گی قرشی لیک لرنی بو قتللریوزبیریشیگه سبب دیب بیلدیرماقده لر.

طالب لرنینگ سابق باشلیغ لریدن معتصم آقا جان بی بی سی بیلن بولگن صحبتیده اونینگ اولگنی نی تصدیق له گن.

باشقه تماندن معتصم آقا جان چیقیش لریدن بیریده طالب لررهبرلری پاکستان نینگ پشاور وکویته شهرلریده هجومگه توتیلیب اولدیریله یاتگن لرینی معلوم قیلگن.

شونینگ دیک او ملا عبدالرقیب افغانستانده تینچلیک برقرارله نیشی اوچون سعی وحرکت قیله یاتگنی نی تیل گه آلگن.

افغانستان دولتی طالباننی تینچلیک جریانی گه قوشیلیش اوچون ترغیب قیلیب کیلماقده وبو سعی وحرکت لمسوولیتی افغانستان تینچلیک عالی کینگشی تعلقلی بولگن.

اوتگن جون آییده افغانستان دولتی تینچلیک مذاکره لرینی باشلش مقصدیده قطرده طالب لرنینگ وکالت خانه سی آچیلگن ایدی. بومساله حامد کرزی نینگ اعتراضی گه سبب بولدی. افغانستان حکومتی بو دفترنینگ بیر جنگری گروه وکالت خانه سی بولیشی اورنیده بیرحکومت ایلچی خانه سیگه اوخشب کیتگنی نی معلوم قیلگن ایدی.

پنجشنبه کونی افغانستان دولتی بگرام قماقخانه سیدن بیرقطار طالب لرگه اعضا دیب ادعاقیلینگن کیشی لرنی آزاد ایتیشی امریکا قوشمه ایالاتی نینگ قتیق ناراضی لیگی گه سبب بولدی.

ایریم تحلیلچی لر، افغانستان دولتی نینگ بو سعی وحرکت لرینی طالب لرنینگ تینچلیک مذاکره لری یانداشیش لری اوچون رغبلنتیرووچی بیرعمل دیب تاکیدله ماقده لر.