مولوي عبدالرقیب نينگ جسدی تیک اوچر ارقه لی تخارگه ييتكزيلدي

مولوی عبدالرقیب طالبان حاکمیتی دوریده بیرمدت مهاجرلر وزیري صفتیده وظیفه بجريب كيلگن. او دوشنبه کونی پشاورشهری نینگ ناصرباغ منطقه سیده گی مدرسه لردن بیریدن چیقه یاتگن بیر پیتده اوققه توتیليب اولديريلگن.

اونینگ جسدی بیرینچی دن کابل گه آليب كيلينيب، کینچه لیک ایککی دولت تیک اوچري آرقه لی تخار ولایتی نینگ کلفگان تومنی گه آلیب باریلگن.

تخار ولایتی ولایت حاکمی سوزچیسی سنت الله تیمور بیرقطار محلی ملازملر بیلن کلفگان تومنی باريشگن. جنازه بیلن کابلدن کیملر کیلگنی باره سیده شونده ی معلومات بیردی:"اونینگ دفن مراسمیده اشتراک ایتیش اوچون افغانستان تینچلیک عالي کینگشی نینگ سیاسی مصلحت چیسی محمد قاسیم حلیمی، حج اوقاف وزیرلیگی اورین باسری عبدالحکیم و باشقه ایریم دولت خادملری باشقه بیر تیک اوچر آرقه لی کلفگان تومنیگه کیلیب توشدی."

تیمور جنابلری شونينگ ديك، جنازه مراسمی اوچون قتیق خوفسیزلیک چاره تدبیرلری اورنه تیلگنینی معلوم قیلدی.

طالبلرنینگ سابق رسمیلری معتصم آقاجان ملاعبدالرقیب نینگ یقین دوست لریدن بولگنی ایتیله دی.

باشقه تماندن معتصم آغاجان چیقیشلریدن بیریده طالبلر رهبرلری پاکستان نینگ پشاور و کویته شهرلریده هجومگه توتیلیب اولدیریله یاتگنلرینی معلوم قیلگن. شونینگ دیک او ملا عبدالرقیب افغانستانده تینچلیک برقرارله نیشی اوچون سعی وحرکت قیله یاتگنی نی تیلگه آلگن.