جوزجان ولایتیده علیشیرنوایی و ظهیرالدین بابرنینگ توغیلگن کونلری نشانلندی

Image copyright bbc uzbek

بو تدبیر دوستم بنیادی، باتورتلویزیونی و ظهیرالدین محمد بابر مدنی انجمنی تمانیدن یولگه قوییلگن. تدبیرده شاعرلر، یازووچیلر، ملت وکیللری شامل مینگگه یقین آدم اشتراک ایتیشگن.

مراسمده، امیرالکلام نظام الدین علیشیرنوایی و ظهیرالدین محمدبابرنینگ ایش فعالیتلری، ایجادیاتی و اولرنینگ اوچمس میراثلری خصوصیده صحبت قیلینگن.

سوزگه چیقگن عالملر، نوایی و بابرنینگ یادلش خاطره لری ییللیگه نشانلنیشی نی تاکیدلشگن.

امیرالکلام عیلشیر نوایی حیات پیتیده نه فقط اوزبیک تیل و ادبیاتی بلکیم فارس تیلی اوچون هم شعری و ادبی خذمت لر قیلیب اوزیدن یوقالمس اثرلر قالدیرگن.

اوشبو ییغینده قتنشگن جوزجان ملت وکیلی داکتر عنایت الله بابر فرهمند، اولوغوار شخصیتلر فعالیت لری نی تقدیرله ب، اولرنینگ کیملیگی و شخصیتلری سونگی وقتلرده اوزبیک لر تمانیدن باشقریله یاتگن تلویزیون لر آرقلی خلققه ییتکزیله یاتگنینی ایتیب، باتور تلویزیونی اوشبو شخصیت لرنی اهالیگه تنیشتیریش و ایش و فعالیت لری نی قیته عکس ایتدیریش اوچون مخصوص دستورلر ترقه تیب کیله یاتگن لیگی نی بیان ایته دی.

شونینگ دیک امیرالکلام علیشیر نوایی و ظهیرالدین محمد بابرنینگ توغیلگن و وفات ایتگن ایاملری باتور تلویزیونی، بیرلیک و آریانا دن نشانلگن لیگی ایتیله دی.

امیرالکلام نظام الدین علیشیر نوایی 1441 میلادی ییل ده دنیاگه کیلگن بولیب 1501 میلادی ییل ده حیات دن کوزیومگن و ظهیرالدین محمد بابر ایسه 1483 میلادی ییل ده دنیاگه کیلیب، 1530 میلادی ییل ده عالم دن اوتگن

Image copyright bbc uzbek

اوشبو شخصیت لر اوز حیاتلری زمانیده برچه خلق گه یوقالمس اثرلر یره تگن لر.

نوایی تیموریلر سلاله سی حمایه سی بیلن مشهد ده اوز تحصیلاتی نی دوام ایتدیریب، علم و ادبی فن گه ایگه بولدی.

امیر علیشیرنوایی نه فقط اوز دوریده ممتاز شخص حسابلنردی، بلکه حاضرگی کونده هم قالدیرگن میراثلریگه کته بها بیریله دی.

نوایی، بیر دانشمند و سیاستچی صفتیده 15 عصرنینگ یریم قسمی ده خراسان وتورکستان ده شرق رنسانسینی رهبرلیک قیلدی.

او بو یورت نی آبادانلشتیریش اوچون دولت نینگ مادی و برچه امکانلریدن فایده لندی و اوز بایلیگی دن قریب 370 ته مدرسه، خانقاه، مسجد، کتابخانه، یول، قوور، بولاق، کوپریک، حوض و شفاخانه قوردیردی.

مثال اوچون مزارشریف ده حضرت علی مقبره سی، هرات مصلا کته مدرسه سی و هرات جامع مسجدی نینگ قوریلیش ایشینی نظارت قیلدی.

نوایی اوزی نینگ حیاتی دن کوپ قسمینی اوزبیکی و فارسی تیلیده اثر یره تیشده صرفله دی و شو یولدن خلققه اینگ کته خذمت نی بجردی.

اونینگ مرقدی هرات ده گی مناره لر یانیده جایلشگن. نوایی تدبیرلی وزیر، تیلشناس و ایکی تیل شاعری صفتیده کورینه دی.