قوراللیلرگه قرشی تخار ده ناراضیلیک نمایش

Image caption گی مسؤول سیزقورالی کوچلر مرکزی حکومت نینگ یوقاری مرتبه لی ملازم لری تمانیدن قورال اسلحه بیلن جهازلنیب وحمایت ایتیلیشینی ادعا قیلیشماقده.

شمالی تخارولایتیده مسؤول سیز قورالی کوچلرنینگ فعالیت لری آشیب باریشی ایریم تخارلیک لرنی خواطیریگه سبب بولیب کون ساین اولرنینگ فعالیت لری کوچیب باریشی ایتیلماقده.

ینگی خبر لرگه کوره کونی کیچه پلیس کوچلری مسؤول سیز قورالی کوچلرنینگ بیرگروپی نی قورال سیز قیلیشی اوچون بوولایت نینگ فرخار تومنیده جایلشگن شوری قشلاقیده سفر قیلگن پیتی پلیس واوشبو گروه اره سیده نیچه ساعت لیک بیر توقنه شو روی بیرگن.

تخارولایتی نینگ ولایت حاکمی سوزچیسی سنت الله تیمور بی بی سی بیلن بولگن صحبت لریده اوشبو توقنه شوو نیچه ساعتگه قدر دوام تارتگنی نی اورغولب نتیجه ده کمیده بیر پلیس داخل ایکیشی کیشی هلاک بولگنی نی تصدیق له دی.

"خوشلیک بیلن پلیس اولرنی بیر کیشی سینی اولدیریب همده ینه بیرینی ایکی میل قورال بیلن قولگه آلگن حاضروضعیت پلیس نظارتیده اورنه تیلگن وشاهراه پلیس یاردم ییتکزیشی اوچون محل گه یوباریلگن ، اوییرده اوتگن ییللرگه هم غیر مسؤول قورالی کوچلر بارایدی، اما حکومت اولرنی بیرخیلینی قورال سیزقیلگن و قالگن لری باره سیده هم بعضی برنامه لرنی آلگن "دیدی تخارحاکمی سوزچی سی سنت الله تیمو

عین حالده بوندن ایکی کون مقدم تخارولایتی مرکزی تالقان شهریده گی حمام لرنینگ بیریده فرخار لیک بولگن بیر یاش ییگیت تخارولایتی نینگ جنایت لرگه قره شی کوره شیش اداره سی باشلیغی نینگ قوروقچی سی تمانیدن نامعلوم دلیل لر طفیلی آتیب اولدیریلدی.

شونگه قوشیمچه بو حادثه ایسه بیرقطار تالقان لیک لرنی قرشی لیک لریگه سبب بولیب قریب بیرمینگ کیشی اشتراکی بیلن اولربوگون ناراض لیک نمایشینی اوتکزیشدیلر.

نمایشچی لر بوحادثه مسؤولیتینی تخارولایتی نینگ امنیه قوماندانی همده جنایت چی لرگه قرشی کوره شیش اداره سی باشلیغی گه تیگیشلی دیب ادعا قیلشگن لر، لیکن تخارولایتی نینگ ولایت حاکمی سوزچی سی نینگ ایتیشیچه تخارحاکمی نمایش باشقروچی لری بیلن اوچره شیب موضوع نی جدی تیکشیریشینی اولرگه وعده بیرگن .

باشقه تماندن بیرقطار تخارلیک لر تخار ولایتی نینگ نه تنها فرخار بلکه باشقه بیرقطار تومن لریده مسؤول سیزقورالی کوچلر نینگ کوپ سانده موجود ایکنی نی اورغولب بوگروه تمانیدن آدم اولدیریش، آدم اوغیرلش و اوغیرلیک کبی عمل لر بجریلیب کیلیشینی تأکیدله یدیلر، لیکن اولرنینگ ایتیشیچه حکومت نیچه ییلدن بویان مذکور گروه لر فعال لرینی قورال سیزقیلیشی همده اولرنی قانون گه تاپشیریشی اوچون قنده ی دیر جدی بیر برنامه یولگه قویمه گن.

بوحقده تخارلیک لردن بیری نظام الدین

" اگرده حکومت بو بارده جدی بیرار چاره تدبیر لر آلمسه، کیله سی سیلاو لرتهدید آستیده قالیب اهالی نینگ اشتراکی هم قیین بوله دی، همده افغانستان گه اجتماعی، سیاسی واقتصادی جهتدن کته ضرر ییتکزدیره دی ."

ایتیلیشچه ایریم لر بوولایتده گی مسؤول سیزقورالی کوچلر مرکزی حکومت نینگ یوقاری مرتبه لی ملازم لری تمانیدن قورال اسلحه بیلن جهازلنیب وحمایت ایتیلیشینی ادعا قیلیشماقده.

معلومات لرگه کوره یکه تخارولایتی نینگ فرخار ولسواللیگیده سونگی نیچه ییل مابینده غیر مسؤول قورالی کوچلر نینگ اوروش لریده اونلب عادی اهالی قربان بولیب و یوزلرچه هم تن جراحت آلگن ، لیکن اهالی موندی حادثه لردن خواطیربیلدیریشیب حکومت نینگ بوباره ده قندی دیر جدی بیربرنامه نظرگه توتمه گنی دن شکایت ایتماقده لر.