"طالبلر دبی ده کی تینچلیک مذاکره لریده اشتراک ایتمه گن"

Image caption طالب لر گروهی رسانه لرگه یوبارگن بیاناتلریده ملا معتصم آغا جان تماندن بوله یاتگن سعی وحرکت لرنی سوال آستیگه آلیب قاره لب چیققن لر.

طالب لر گروهی رسانه لرگه خط جونه تیب افغان رسمی لری دبی ده طالب لربیلن تینچلیک باره سیده صحبت یولگه قوییلگن ییغین گه اشتراک ایتمه گن لرینی معلوم قیلگن. دولت رسمی لریدن بیری اوتگن کونی بی بی سی گه ملامعتصم آغا جان رهبرلیگی ده بولگن طالب لرنینگ 16اعضاسی دبی ده تینچلیک عالی کینگاشی نماینده لری بیلن صحبت اوتکزماقده ایکن لیگی نی ایتگن ایدی. اما طالبان گروهی اوز بیاناتلریده ملا آغاجان بوگروه تشکیلاتیده لوازم گه ایگه بولمسلیگی نی ایتیب وهم بو گروه دن وکلات قیله آله آلمسلیگی نی بیلدیرگن لر. بیاناتده معتصم آغا جان جهاد گه قرشی فعالیت قیله یاتگنی معلوم قیلینیب بونی امریکا افغانستاننی استیلاسیگه آلیش منفعتی اوچون دیب بیلدیرگن لر. طالب لر گروهی رسانه لرگه یوبارگن بیاناتلریده ملا معتصم آغا جان تماندن بوله یاتگن سعی وحرکت لرنی سوال آستیگه آلیب قاره لب چیققن لر. بو بیاناتده ایتیلیشیچه اسلامی امارت آدرسیدن دبی ده هیچ بیرییغین یولگه قوییلمه گنی ایتیلیب طالب لرنینگ هیچ بیر اعضاسی تینچلیک عالی کینگشی بیلن صحبت قیلمه گنی نی هم معلوم قیلینگن. طالب لر اوز بیاناتدلریده معتصم آغا جاننی طالب لر صفیده ایمس لیگی و بوگروه دن وکلات قیله آلمسلیگی نی هم تاکیدله گن لر. طالب لرگروهی، بوگروه نینگ سابق عدلیه وزیری ملا آغاجاننی تینچلیک خصوصیده گی فعالیت لری نی امریکا نینگ منفعتی گه دیب ایتگن لر. عین پیتده طالب لرنینگ تاکیدلشیچه اولرنینگ مخصوص سیاسی وکالت خانه لری بار احتیاج بولگن تقدیرده مقابل تمان بیلن مذاکره قیله دیلر. بیاناتده ایتیلیشیچه اشتراک چی لر کیملیگی تولیق تانیشتیریلمه گن شو سبب بوییغین نتیجه بیرمه یدی. اوتگن کونی اوز اسمی نی ایتیلیشی نی ایستمه گن افغان یوقاری مرتبه لی رسمی لریدن بیری بی بی سیگه تینچلیک عالی کینگشی وکیللری بیلن طالبان نینگ 16 مهم اعضاسی بوجمله دن اوتمیشده بوگروه نینگ 6 وزیری اوچره شیب مذاکره نی باشله گن لری نی ایتگن ایدی. شونینگ دیک بو رسمی گه کوره حاضرگی کونده جنگ قیلیب کیله یاتگن بوگروه نینگ قوماندانلریدن 5کیشی هم بو ییغین ده بولگن. طالب لر مناسبتی و تینچلیک یولگه قوییلگنی نی حقیقتی بارلیگی باره سیده کوپگینه سعی وحرکت لربیلن افغانستان تینچلیک عالی کینگشی وجمهور ریس لیک سرایی فکرلرینی اورگه نیش گه قادر بولمه دیک. دبی ده گی ییغین ده جنگ چی بیش قوماندان اشتراک ایتگنی معلوم قیلینگنی بیر قطار سیاسی حلقه لرنی تینچلیک برقرارله نیشیگه یول آچه دیب امید لری کوچه یتیرماقده. عین پیتده کابل ده نشر ایتیله دیگن کونده لیک لرنینگ بوگونگی مهم موضوع لری هم تینچلیک مساله سیگه بغیشلنگن. 8صبح کونده لیگی پاکستانده اولدیریلگن ملاعبدالرقیب باره سیده توخته لیب او کرزی بیلن تینچلیک اوچون علاقه سی بولگنی نی اوچون هلاک ایتیلگنی نی یازیلگن. شونینگ دیک 8صبح اوروش دن قول تارتگن طالب لر پاکستانده گی ایریم ترماق لرتاماندن شونده ی تقدیرگه دوچ کیلیش لرینی یازگن. بو کونده لیکده ملابرادرکرزی بیلن مذاکره قیلیش نی باشله گنده پاکستان تاماندن قولگه آلینیب وملا عبیدالله هم قماققه آلینیب جان بیرگنی یازیلگن. شونینگ دیک جامعه باز کونده لیگی هم ملاعبدالرقیب تینچلیک شهیدی دیب ایتیلگنی باره سیده یازیب وبوکیشی ییللرآلدین طالب لرصفیده بولمه گنی اوچون تینچلیک جریانی گه رولی بولمسلیگی گه اشاره ایتیب جسدگه بونده ی لقب بیریلیشی حکومت چوکاتیده گی وضعیت مرکب بولگنی نی کورسته دی دیب معلوم قیلینگن. وانیس کونده لیگی هم افغانستان دشمن لری تینچلیک برقرارله نیشی گه توسیق بولیش اوچون تیاربولیب تورگن لرینی یازگن. وآرمان ملی کونده لیگی هم دبی ده گی تینچ اوچون مذاکره لر باره سیده یازیب بومذاکره لرسبب کرزی سیلاولرنی آرتده قالدیریشیدن تشویش بیلدیریلگنی نی یازگن.