افغانستان شرقیده عصیانچیلرنینگ قانلی هجومی

کنر ولایت رسمیلریگه کوره، اوشبو ولایت نینگ غازی آباد تومنیده جایلشگن ملی اردو حربی قرارگاهی گه طالبان قوراللی لری گروهی هجوم اویوشتیرگن، نتیجه ده بیرنیچه عسکر هلاک بولیب وبیرقنچه عسکرهم یوقالگن.

کنر ولایتی نینگ پلیس اداره باشلیغی عبدالحبیب سید خیل نینگ ایتیشیچه، اوتگن کیچه طالبان قوراللی تمانیدن اویوشتیریلگن گروهی هجوم ده 12 عسکر هلاک بولگن، اما کنر ولایتی نینگ ولایت حاکمی سوزچیسی عبدالغنی مصمم هجومده 19 عسکر قربان بولگنینی ایتگن.

کنر ولایتی پاکستان بیلن قوشمه چیگره گه ایگه بولیب طالبان گروهی گه قره شلی قوراللی لر چیگره نینگ ایککی تمانی گه اوتیب قیته یاتگنی ادعا قیلینه دی.

پاکستان مقاملری بوندن آلدین پاکستان نینگ 23 چیگره قوریقچی عسکری پاکستان قوراللی طالب لرتمانیدن پاکستان توپراغیده اولدیریلگنیدن خبربیرگن ایدی.

افغان مقاملری ایسه بو ادعا نی رد ایتگن ایدی.