قیصار تومن حاکمی: اوروشلر باعث 400 عایله اوز اوی جایلرینی ترک ایتگن

فاریاب ولایتی گه قره شلی قیصار تومنی نینگ تگاب یوره ک قیشلاغیده افغان کوچلری و طالبان آره سیده توقنه شوولر یوزبیرگنی باعث قریب 400 عایله منطقه نی ترک ایتیشیگه مجبور بولگنی ایتیلماقده.

قیصار تومنی نینگ حاکمی سیدجمیل صدیقی بی بی سی بیلن بولگن صحبتیده طالبان گروهی ایکی کون آلدین مذکور قیشلاق اوستیگه هجوم قیلگن لیک لرینی ایتیب، نتیجه ده تورت یوز عایله اوز اوی لرینی تشلب قیصار مرکزیگه کیلگن لردیدی.

حاکم حاضرهم منطقه ده اوروش بارلیگینی ایتیب، ملی اردو و ملی پولیس کوچلری قیشلاقلرنی قولگه آلگن لیگینی معلوم قیله دی. شونینگدیک قیصار حاکمی اوی لرینی تشلب چیققن کیشی لرگه کمک یتکیزیش اوچون چاره ـ تدبیر کوریب تورگن لیک لرینی معلوم قیلماقده.

صدیقی جنابلری دولت کوچلریگه هیچ قندی ضرریتمه گن لیگینی ایتیب، طالبان گروهیگه تلفات یتکیزیلگنی نی معلوم قیلدی. باشقه تماندن فاریاب پولیس سوزچیسی اهالی منطقه نی ترک ایتگن دیگن خبرنی رد ایتیب، لیکن منطقه ده بولگن اوروش نی تصدیق له دی. اونگه کوره، اوروش لرعاقبتیده اوچ طالب اولیب وباشقه تورت طالب هم یره لنگن.

طالبان گروهی هلی گچه هیچ نرسه دیمه گنلر. آنه شوحالده باشقه بیر خبرگه کوره فاریاب ولایتی نینگ دولت آباد تومنیده تینه ون کیچقورون مسافرتاشه یاتکن موترلردن بیری یول چیکه سیگه کومیلگن ماین بیلن دوچ کیلیب، نتیجه ده تورت کیشی اولیب یره لنگن. فاریاب امنیه وقومندانلیگی نینگ سوزچیسی سیدمسعود یعقوبی بی بی سی بیلن بولگن صحبتیده تینه ون کیچقورون تینچ اهالی مینیلگن کرولاموتری دولت آباد تومنی نینگ توپ خانه قیشلاغیگه قره ب باره یاتکن زمانی ماین بیلن دوچ کیلگن لگینی ایته دی. یعقوبی جنابلریگه کوره، بوحادثه ده ایکی کیشی اولیب و باشقه ایکی کیشی هم یره لنگن.

محلی مسوللر حادثه مسولیتینی طالبان گروهی بوینیگه یوکله ماقده لر،اما طالبان گروهی بوحقده هیچ نرسه دیمه گن